POVR LA NAISSANCE DV DVC DE RETELOIS I

Elle prit seulement cette robbe légère, Et fuyant le loisir de se mieux habiller Sans bruit elle sortit, de crainte que son Père Ne vint à s'esueiller.

Et puis s'enuelopant d'vne petite nuë Ou pour estre inuisible elle se r'enfermoit. Elle se fit porter sans estre recognuë 24 Ou cet Ange dormoit.

Dieux ! de quel doux excez fut son ame rauie. Quand remplissant ce lieu de sa propre clarté, Il luy parut si beau, qu'il eut contraint l'enuie 28 De louer sa beauté !

Tel le ieune Adonis couuert de fleurs nouuelles Pourroit estre dépeint par vn sçauant peinceau. Et tel seroit encor' sans armes, & sans ailles 32 L'Amour dans vn berceau.

Aussy se colla- t-elle alors dessus sa bouche. Et d'vn si doux plaisir se laissant enchanter, L'embrassa mille fois dans sa petite couche 36 Auant que le quitter.

Puis faisant dessus luy mille sortes de charmes Pour le rendre à iamais exempt de tout ennuy, Elle appella le Dieu qui préside aux alarmes 40 Pour auoir soin de luy.