RESPONCE AV CARTEL I

Que si quelque Orgueilleuse auec de l'artifice Sans respect de l'amour dédaigne ton seruice, Empeschant que ton cœur ne puisse estre contant, Quittes-en le dessain, non pas comme impossible, Mais de peur de montrer d'auoir l'ame insensible, 24 En pensant acquérir l'honneur d'estre constant.

Ou consens pour le moins qu'à faute de mérite La gloire d'estre aymé te doit estre interditte, Et qu'auec le Dédain l'Amour te fait punir. Car nous venons exprès pour faire reconnoistre Aux yevix de ceste Cour, que tu te fais paroistre 30 Bien digne de Dédain de l'oser soustenir.