A SON LIVRE

Ievne Orphelin, ne peux tu pas comprendre Que nous pleurons sans espoir de retour Ton Père absant bien loing de nostre iour, 4 Et qu'au Tombeau nous auons veu descendre ?

Couure ses feux puis qu'il n'est plus que cendre. Et regrettant sa mort non son Amour, Connois ta perte, & pleurant à ton tour 8 Cache les pleurs qu'Amour luy fit épandre.

Ou bien d'autant que c'est pleurer en vain. Puis que la loy du sort trop inhumain II Pour la mort seule aux hommes donne l'estre,

Vange sa mort, & forçant ceste loy Rends immortel celuy qui t'a fait naistre, 14 Faisant pour luy ce qu'il a fait pour toy.

TOMBEAV DV FEV MESSIRE LAVRENS DE GALLES

SEIGNEVR DV MESTRAIL, VOIRON, ET VIVIERS

IcY du grand Mestrail repose La cendre en ce cercueil enclose, Dessous l'ombre de ses lauriers, Qu'auec sa valeureuse espee Pour les Lis de France occupée 6 II rauit aux plus grands guerriers.

Ses lauriers exempts de la foudre Qui le renuersa sur la poudre Empeschent aussi que le sort Dessus son nom n'ayt la victoire.

Et font pour conseruer sa gloire 12 Ce que fait le cèdre au corps mort.

Il eut la teste outrepercée Du coup d'vne foudre eslancée, Dont l'ardeur peut estre eut bruslé Sur son front la couronne verte, Si le sang de sa playe ouuerte i8 Pour l'empescher ne fut coulé.

TOMBEAV DV MESSIRE LAVRENS DE GALLES 213

S'il eust deu mourir comme meurent Ceux qui dessous le ciel demeurent Il n'eut pas la mort esprouué :

Mais contre vne foudre seuere Qui tousiours les lauriers reuere Tous les siens ne l'ont pas sauué.

Pouuoit il défendre sa vie Par le sort ialoux poursuiuie Le voyant tousiours triompher, Et puis que de souffre animées Contre luy voloyent enflammées Tant de morts de plomb & de fer ?

Mourant dans sa terre natale, De son front ouuert d'vne baie La valeur est montée aux cieux.

Ayant sa cendre abandonnée ; Comme on dit que Minerue est née ;6 Du front du grand Maistre des Dieux.