A MADAME SŒUR VNIQUE DU ROY

Vertueuse Princesse, ornement de nostre âge, Qui d'vn cœur généreux aux vices indonté Surpassant tout le monde en accorte bonté. Vous surpassez vous-mesme en grandeur de courage :

II n'aduiendra iamais que le temps me dégage Des laqs où vos bien-faits me tiennent arresté, Ayans par leurs faueurs estreint ma liberté D'vn nœud qui tous les iours se serre dauantage.

Le Sort vueille en mon nom ceste debte acquitter, Vous comblant de tout l'heur qui se peut souhaitter, Sans souffrir qu'aucun mal la durée en abrège.

Voila son seul payment dont Dieu soit le garant, Afin qu'à tout le moins deuers luy recourant, Pour vn mauuais payeur vous ayez vn bon plege.

SONET

FAIT PROMPTEMENT PAR MADAME SŒUR DU ROY SUR VN MAL d'yeux.

Cet œil par trop hardy, cet œil audacieux Qui a osé me voir, auoit-il espérance D*estre exempt de douleur? n'auoit-il cognoissance Que le Soleil est beau, mais qu'il blesse les yeux?

286 ŒVVRES POÉTIQJ/ES

Auoit-il oublié ce que pcuuent les dieux Sur l'orgueil des mortels!^ si de ceste oubliance Aueuglé il en fait ores la pénitence, Qu'a-il moins mérité qu'estre puny par eux?

Puis donc que vostre mal vient d'estre téméraire, Il le vous faut souffrir, et patient le taire. Sans de cris et de pleurs importuner les Cieux.

Ils le veulent ainsi : et moy la fille aisnee De ce grand Jupiter, chef de la destinée, le puny par mon œil les vostres curieux.