POEME CONTENANT VNE TRAGIQUE ADUANTURE
, 'effect des changemens que la fuite des iours ^Mi Apporte d'heure en heure aux plus fermes amours Parmy ceux dont la vie est sans cesse agitée,
Fraisant viure Timandre absent de Calithee,
La belle et fiere Nymphe à qui sa liberté
Se sousmist dés le iour qu'il en vit sa beauté :
L'impatient désir qui tourmente les âmes
Des fidèles amants esloignez de leurs dames,
Apres six mois passez se lassa d'endurer
Qu'vn malheur 1 en eust peu si long temps séparer,
Et luy fist naistre au cœur vne bruslante enuie
De reuoir la lumière esclairante à sa vie :
Bien qu'alors tout espoir se trouuant mort en luy,
Ses yeux ne peussent plus la voir qu'auec ennuy,
Puis qu'elle auoit esteint l'amoureuse estincelle
Du feu qu'auparauant leur ardeur mutuelle
Faisoit viure en son ame, et renfermé son cœur
Dans les premiers glaçons de sa ieune rigueur,
Car après l'auoir eue à ses vœux fauorable.
Et s'en estre promis vne amour perdurable,
De quel œil eust-il peu la voir lors mespriser
Le feu qui la souloit elle-mesme embraser?
Tant de rares bcautez, autrefois ses délices,
N'eussent plus à son ame esté que des supplices :
Elle n'eust de ses yeux nul regard eslancé
Qui d'vn coup de douleur ne 1 eust outrepercé :
Ny ces doux entretiens pleins d'appas et de charmes
N eussent rien en son cœur engendré que des larmes,
210 ŒVVRES POÉTIQJ/ES
Quand tout bruslant encor du désir de ce bien, Il se fust souuenu qu'il auoit esté sien : Et qu'au malheur présent sa dolente mémoire De sa faueur passée eust comparé la gloire.
C'est pourquoy bien qu'il fustiouretnuict tormenté D'vn extrême désir de reuoir sa beauté, La crainte des douleurs et des morts asseurees Que ses esprits iugeoient leur estre préparées, Moderoit son ennuie, et le secret duel Qu'exerçoit en son cœur le choc continuel De ces deux passions, luy donnoit mille attaintes Qui lui faisoient souuent former de telles plaintes.
Malheureux que ie suis, le vy seul des humains Qui pour vn iuste vœu ioignant au ciel les mains, Seray du desespoir la misérable proye Soit qu'il me le refuse, ou soit qu'il me l'octroye. Car ce qu'amour me fait ardammcnt souhaiter, le sens au mesme instant mon cœur le redouter, Et trouue en la couleur d'où ma plainte procède. Egalement cruels le mal et le remède.
Ne voir point la beauté que ie vois nuict et iour. Me tue en y pensant de désir et d'amour : Et peut-estre la voir, et sentir la rudesse Du trait de ses dédains me tuera de tristesse.
Las ! si tant seulement la distance des lieux. Et la rigueur du sort m'esloignoit de ses yeux, Sans qu'aidant au malheur qui m'en cache la flame, Vn volontaire oubly m'esloignast de son ame, le serois consolé par le bien d'espérer Que tousiours mon ennuy ne pourroit pas durer, Et qu'en fin des saisons la suite continue Ou m'osteroit la vie ou me rendroit sa veuë. Mais puis que le malheur contre moy conspirant Va par vn seul départ deux fois m'en séparant, Et qu'au mal de l'absence vn autre mal s'assemble Qui me priue et de l'œil et du cœur tout ensemble. Quel bien peut consoler ce triste éloignement, Puis que mesme la voir me seroit vn tourment }
DE M. BERTAVT. 211
Ah rigoureux Amour, que ma triste pensée De contraires douleurs est par toy trauersee !
Ainsi souspiroit-il quand brûlant du désir De voir celle qui fut sa peine et son plaisir, il se la proposoit cruelle et dédaigneuse, Ne faire plus de cas de sa peine amoureuse, Et craignoit qu'en voyant son malheur de plus près, L'object du bien perdu n'en accreust les regrets. C'est pourquoy tout ainsi qu'vne égale vaillance Tient souuent de deux camps la victoire en balance. Quelque temps, sans sçauoir qui resteroit vainqueur, LTvn et l'autre penser combattit en son cœur : lusqu'à tant que l'amour fist gaigner l'auantage Au désir de reuoir cest aimable visage, Et ces rares beautez qui charmans mille esprits, De tout autre plaisir leur causolent le mespris. Car aussi bien, dit-il, puis qu'autant me tourmente Ma cruelle Déesse absente que présente, l'aime mieux, s'il m'en faut receuoir le trespas Mourir en la voyant qu'en ne la voyant pas.
Auec ceste parole en fureur prononcée.
Il rompit tous délais, condamnant sa pensée D'auoir peu seulement consulter si son œil Iroit reuoir ou non les rais d'vn tel Soleil. Mais comme pour voler vers cet astre des belles, Sa ieune impatience ouuroit desia les ailes, Il pleut à son malheur qu'il en fust retenu Par vn prompt accident à la France aduenu, Qui de tous les liens dont se peut voir estrainte Vne ame ressentant la généreuse crainte D'offencer son honneur, l'arresta malgré luy Sur le lieu qu'il fuyoit pour finir son ennuy. De quoy souffrant en 1 ame vne douleur extrême. Et laschant en courroux maint amoureux blasphème Contre la cruauté des destins ennemis Luy rauissans ainsi l'heur qu'il. s'estoit promis : Pourquoy t'affliges-tu? luy dit son cher Aemile Voyant sa passion en souspirs trop fertile :
212 ŒVVRES POÉTIQVES
Si voir ton ennemie est l'vnique dessein De qui l'ardeur bouillonne au milieu de ton sein, Auant que le Soleil en la mer se replonge, Ton ame en repaistra le désir qui la ronge : Sans qu'il te soit besoin que tu quittes ces lieux Où te vient d'attacher la volonté des cieux, Et sans qu'il faille aussi que pour finir ta peine Quelque Dieu fauorable en ce lieu te l'ameine.
Non guère loin d'icy, dans le creux d'vn rocher Qu'il semble que les bois s'efforcent de cacher, Il demeure vne Fee en charmes si sçauante, Qu'Alcine, et Felicie, et les Mages qu'on vante Pour Princes de cet art, ne semblent point auoir En merueilleux effects surmonté son sçauoir. l'ay veu souuentefois quand aux rais de la Lune, Pieds nuds, escheuelee, et d'vne verge brune Les régions du ciel sur la terre marquant. Tous les démons d'Erebe elle alloit inuoquant, Les ormes et les pins descendre des montagnes : Les bleds se transporter des voisines campagnes ^ Sur la riue déserte, et leurs chefs demy-blonds Ondoyer sous le vent au milieu des sablons : Le ciel dans l'Océan secouer ses estoilles : Les vaisseaux sur la mer singlans à pleines voiles, S'arrester à sa voix comme au fond attachez Auec les croches dents de cent ancres cachez : Bref, le secret pouuoir de sa seule parole Aux flots estre vn Neptune, aux vents vn autre Aeole : Et sur les elemens tel Empire exercer, Qu'encor tout effrayé ie tremble d'y penser.
Or entre les outils sacrez aux ministères Dont la Nymphe accomplit ses prophanes mystères, Vn miroir pend en l'air à trois chaînons dorez, Où depuis quelques mots bassement murmurez. On apperçoit mouuoir les obscures images De ceux qu'on cherche à voir sous leurs mesmes visages, Et s'ils ne dorment point au silence des morts, En la mesme action qui les occupe alors.
DE M. Bertavt. 2rj
Quand au combat naual dti les flots de Lepante Veirent du sang des Turcs leur onde rougissante', Mon frère plein d'vn cœur à Mars tout addonné, P'ut prins en combattant, et captif emmené Par ce fameux Corsaire à qui nostre victoire D'vn valeureux guerrier ne rauit point la gloire : Ne pouuant en l'ennuy dont i'estois maistrisé Sçauoir comme le sort en auoit disposé, Ne si son palle corps priué de sépulture Seruoit point aux Daufms de cruelle pasture, Ne si la pesanteur de cent fers inhumains Chargeoit point iour et nuict ses misérables mains, l'eu recours, ie l'aduoiie, à ce muet oracle. Et le vy là dedans (pitoyable spectacle) Blessé, maigre, denait, attaché iours et nuits Aux ceps, à la cadene, et demy mort d'ennuis : Tel que ie le trouuay sur les flots de Marise' Où soudain ie couru racheter sa franchise. Or si te promettant de pouuoir appaiser Ton mal par ce remède il te plaist d'en vser, Il est en ta puissance, et l'espace d'vne heure Nous peut rendre au séjour où la Nymphe demeure.
Aemile se taisoit, quand vn souspir ardant Fut poussé de Timandre ainsi luy respondant : Cher amy, ton conseil repeint en ma pensée La fainte qui trompa l'espérance insensée Du superbe Ixion, alors qu'il embrassa Pour lunon vne nuë et les vents engrossa : Non que ie le refuse au désir qui me presse De reuoir maintenant ma mortelle Déesse, Car il n'est point d'object sous la voûte des cieux Qui la représentant ne contentast mes yeux :
1. Allusion à la fameuse bataille navale où Doa Juan d'Autriche, commandant les forces réunies de Venise, de l'Espagne et du Pape, anéantit la flotte de Sélim II, le 7 octobre 1571.
