Una salus victis nullam sperare salutem

DE M. BERTAVT. 2^9

Infinis hommes morts, infinis que l'on tuë, Tous sanglants, tous bruslez, gisent emmy la rue : Et ionchent de leurs corps en fureur massacrez, Les portaux des maisons et des temples sacrez. Bien que les Teucres seuls estcndus par la voye Ne versent pas leur sang sur le paué de Troye : Quelquefois la vertu refleurit en leurs coeurs : Quelquefois les vaincus font tomber les vainqueurs. Par tout règne la plainte : et parmy le carnage La mort monstre par tout son effroyable image.

L'ennemy que le sort nous offre le premier, C'est le Grec Androgee orné d'vn haut cimier, Et fièrement suiuy d'vne nombreuse escorte. Qui nous tenant pour Grecs, nous parle en ceste sorte : Hastez-vous, compagnons : hé quelle lascheté A tenu vostre pas si long temps arrestc? Les autres rauissans emportent les Pergames, Emportent Ilion par le milieu des fiâmes : Et vous, au lieu de vaincre et butiner comme eux, A peine vous partez du riuage escumeux.

Cela dit, aussi tost (pour ce que sa semonce Reçoit vne ambiguë et mal seure response) Voyant bien que son pied l'a porté par erreur Entre ses ennemis, il reste plein d'horreur : L'image du péril toute audace luy voile, Et luy fait retirer les pas et la parole.

Comme quand par les bois quelqu'vn presse en marchant Vn serpent non preueu sous l'herbe se cachant : Il fuit palle de crainte aussi tost qu'il l'aduise, Les yeux rouges du feu que sa colère attise. Se dresser contremont, horriblement siffler, Et son cou de gns-bleu superbement enfler. Ainsi la froide peur qui conseille la fuite Retiroit Androgee au milieu de sa suite : Quand nous iettans sur luy nous luy donnons la mort : Et puis chargeons sa bande auec vn tel effort, Que de tous les costez l'ayant enueloppee. Nous la faisons tomber sous les coups de l'épee,

26o ŒVVRES POÉTIQVES

Ignorante des lieux, et surprise de peur. Le sort est fauorable à ce premier labeur !

De auoy tressautant d'aise et bouillant de courage, Choroeoe en ce succez nous tient vn tel langage : 0 compagnons, dit-il, suiuons en combattant Le' chemin de salut que nous va présentant L'effort dont nostre bras a rougy ceste place, Et la faueur du ciel secondant nostre audace. Eschangeons nos boucliers auec ceux des vaincus : Et vestons pour vn temps les armets, les escus. Et les marques des Grecs : qu'importe si l'on vse Contre son ennemy de vaillance ou de ruse? Eux-mesmes fourniront des armes à nos mains. Ce dict, il vest l'armet qui du chef iusqu'aux reins Ombrageoit d'vn long crin ondoyant en pennache, La teste d'Androgee, empoigne sa rudache'. Et s'estant tout couuert au harnois emprunté. Se ceint ^ la Grecque espee à l'entour du costé. Autant en fait Riphee : autant Dymas luy-mesme, Et toute la ieunesse aimant ce stratagème : Chacun allaigrement se reuestant le corps De la fraische despoûille arrachée à ces morts.

Nous allons aussi tost, d'vn hazardeux meslange. Imprudents nous conioindre à la Grecque phalange : Et par l'obscure nuict attaquant maints combats, Nous faisons trébuscher force ennemis à bas. Les vns d'eux emportez d'vne fuite craintiue. Recherchent leurs vaisseaux et le sein de la riue ; Les autres maistrisez d'vne honteuse peur. Remontent dans les flancs du Colosse trompeur : Et pour se recacher, derechef se retirent Dans le ventre cogneu d'où naguère ils sortirent.

1. Rudache. Nous n'avons retrouvé ce mot dans aucun lexicographe. Ce doit être une faute d'impression, pour rondache. Voir ce mot au Lexique.

2. Si ceindre une épée au côté. Se est un latinisme, pour Ùbi.

DE M. BERTAVT. 261

Mais helas ! on ne doit en nul bien s'asseurer Que la faueur des Dieux ne fait point prospérer. Voila que l'on trainoit dehors des sanctuaires Du temple de Minerue, et d'entre ses mystères, Cassandre escheuelee, et tendant vers les cicux, D'vn regard plein de flamme, en vain ses tristes yeux : Ses tristes yeux sans plus, car des cordes pressées Tenoient ses tendres mains durement enlacées. Chorœbe la voyant si rudement traiter.

Insensé de courroux ne le peut supporter : Mais désirant la mort, s'élance emmy la presse Des soldats outrageants ceste ieune Princesse : Nous suiuons tous l'ardeur du courroux amoureux, Et les armes au poing nous nous ruons sur eux.

Icy, de prime abord il nous pleut sur la teste, Des hauts sommets du temple, vne fiere tempeste ' De traits des nostres mesme, et leurs aueugles coups Font naistre ignoramment vn grand meurtre entre nous. Par l'erreur qui s'engendre en leurs âmes trompées Des boucliers ennemis et des Grecques espees. D'ailleurs, voicy les Grecs qui courroucez de uoir La Princesse rescousse eschapper leur pouuoir. Viennent de toutes parts fondre sur nous ensemble : Ajax de qui l'ardeur à la foudre ressemble. Et les deux fils d'Atree, et mille autres guerriers, Et l'entier escadron des Dolopes meurtriers. Comme quand sur le dos des ondoyantes plaines L'orage fait iouster les contraires haleines Des vents dont la fureur se creue en tourbillons, Zephyre boursoufflant leurs humides sillons, Et celuy de la gent que le Midy colore, Et celuy qui se plaist aux cheuaux de l'Aurore : Les forests font grand bruit : et Neree irritant D'vn trident escumeux tout l'Empire flottant, Agite iusqu'aux bas des mers les plus profondes Le tempesteux orgueil de ses mobiles ondes.

Cf. p

:inpesLcu;i urgucii uc &C5 iiiuuiic:> uiiucs.

Fiere, latinisme; c'est le mot fera, féroce, cruelle. —

Ceux aussi que par l'ombre et l'horreur de la nuit, Es destours où le feu moins clairement reluit, Nostre embusche a surpris, et d'vne aspre poursuite Chassez par tous les coins de la cité destruite. Viennent lors à paroistre, et remarquer les dards Qu'ils ont veu dans leur sang rougir en mille parts : Et des pauois menteurs la tromperesse image. Et le son estranger des accens du langage.

En fin donc nous trouuans par le nombre accablez, Chorœbe le premier, sous mamts coups redoublez. Tombe comme vne hostie à Minerue immolée. Au pied de son autel, du bras de Penelee. Ripnee y tombe aussi, l'homme le plus entier, Et mieux guidant ses pas dans le iuste sentier, Que le Soleil vist point en toute la Phrygie : Mais ainsi pleust aux Dieux dont la Parque est régie! Hypanis, et Dymas, par vn malheureux sort. De nos compagnons mesme y reçoiuent la mort : Et ne te sauua point d'vne mortelle attainte, Panthe, ta pieté si constante et si sainte : Mais souillas en ton sang versé par ce méchef, La mitre d'Apollon qui couronnoit ton chef.

Vous, cendres d'Ilion, et vous dernière flame De ce qui me touchoit plus tendrement à l'ame, le vous atteste icy qu'en vous voyant périr, le n'éuitay hazara que ie puisse encourir, Ny trait lancé des Grecs en ces tristes allarmes : Et que si le destin eust permis à leurs armes De m'y faire tomber sous leurs coups inhumains, le l'auois mérité par l'effort de mes mains.

Nous sommes arrachez de ce sanglant carnage Pelie, Iphite et moy : dont Iphite sent l'âge Appesantir ses pas, et Pelie est contraint De retarder le sien, d'vn coup d'Vlysse attaint. Cent cris qui pleins d'effroy vont aux flammes célestes, Nous appellent du bruit de leurs plaintes funestes, Au palais de Priam, où la fureur de Mars Fait pleuuoir tant de morts, fait voiler tant de dards,

Qu'ailleurs, au prix delà, ccssent'tous ti-aits de guerre, Et nui par la cité n'ensanglante la terre : Veu l'ardeur du combat, veu le bouillant effort Dont la rage des Grecs lutte contre le fort, Armant de cent boucliers la guerrière tortue, Près du sueil de la porte assiégée et battue.

Mainte eschelle dressée en acroche les murs, Par où grimpants à force entre les ffancs obscurs Et dessous les posteaux que les Teucres defFendent, Auec la gauche main qu'en auant ils estendent, Ils opposent aux traits leifrs pauois surhaussez. Et s attachent de l'autre aux créneaux embrassez. Les Troyens de leur part arrachent les sablières. Les combles des maisons, les tours toutes entières : Auec ces armes-là vengeans plustost leur mort. Que deffendans leur vie encontre vn tel effort : Tant qu'on voit à la fin leurs mains désespérées Rouler les bois sacrez, et les poutres dorées Qui, comme monuments restans de nos ayeux, Ornoient le sainct orgueil des plus augustes lieux. Les autres deffendans les basses aduenues, Auec vn escadron tout flambant d'armes nues, Ressemblent à des murs entièrement ferrez, Tant leurs rangs se suiuans sont vnis et serrez. Là, nous reprenons tous vne fureur égalle, Ardans de secourir la demeure Royalle, Aider à ces guerriers, et leur renfler le cœur, D'vn bouillonnant esprit d'audace et de vigueur.

Il s'ouuroit dans les murs plus fuyans en arrière Vne porte secrette et venue de lumière. Qui seruoit de passage aux superbes cloisons Dont Priam distinguoit ses augustes maisons. Par oi!i, deuant qu'encor Troye eust esté destruite, Bien souuent Andromache et non veiie, et sans suite, Alloit voir son beau-pere, ou seule auec vn seul, Portoit Astyanax vers le Roy son ayeul. • Coulé dedans par là, ie monte au plus haut feste. D'où les pauures Troyens espandoient sur la teste

Des cruels assiegeans force flèches en vain, Et qui sans nul effect leur voloient de la main.

Là s'éleuoit en l'air le mal-ioinct édifice D'vne hautaine tour bastie en précipice, D'où bien souuent nostre œil, courant de toutes parts, Voyoit Troye à l'entour, et ses larges ramparts : Voyoij: les pauillons de tout le camp Argiue, Et plus loin leurs vaisseaux flottans près de la riue.

Auec le fer en main assaillans ceste tour, Et par où les planchers déjoints tout à l'entour Monstroient leur liaison du comble détachée, L'ayans finablement de son siège arrachée, Nous la poussons en bas : elle adonc qui se suit, Traine après sa ruïne vn grand et sonnant bruit, Et de sa cheute esparse en tombant ensanglante Force rangs ennemis que son faix accrauante : Mais d'autres succedans, on voit tousiours en l'air Les cailloux et les dards poursuiure de voiler.

Là, Pyrrhe tressautant d'vne insolente joye f Braue deuant la porte, et tout armé flamboyé D'vn brillant feu d'airain dont semble estre embrasé Son harnois reluisant aux flammes opposé : Tel qu'on voit au Printemps leuer son cou superbe, Apres s'estre saoulé de quelque mauuaise herbe, Le serpent que l'hyuer sous la terre courroit Tout enflé de gelée et tout transi de froid. Maintenant déuestu des peaux de sa vieillesse. Et fraischemenment luisant d'vne neuue jeunesse. Il plie en cercles ronds son dos souple et glissant. Dresse haut au soleil, d'vn geste menaçant, Sa teste grise-verte, et sa veuë allumée. Elançant les trois dards dont sa langue est armée.

Là, Peryphe au grand corps secouant vn brandon, Là son porte-bouclier. Tardant Automedon, Et comme vn ruineux et tempesteux rauage Tout le jeune escadron de Scyre au verd riuage,

DE M. Bertavt. 26$

Abordez quant et luy lancent de toutes parts Des feux au haut du toict, vollans entre les dards.

Luy mesme des premiers empoignant vne hache Rompt le seuil de la porte, et fièrement arrache Les poteaux de leurs gonds, redoublant tant de fois Les coups du fer aigu, qu'ayant creusé le bois, Tranché la poutre mesme, et dissous leur iointure, Il fait béer entr'eux vne large ouuerture.

Lors le cœur du palais se découure au dehors : Les salles au grand front en paroissent alors : Et le pompeux orgueil des chambres magnifiques, Retraites de Priam et des Rois plus antiques : Lors on voit à l'entrée, arrangez flanc à flanc Ceux qui pour sa deffense ont déuoué leur sang.

Mais aux parts du logis le plus loin reculées. Maints lamentables cris, maintes voix désolées Se confondent ensemble, et les oit on vrler De piteux cris de femme épandus dedans l'air. Le son en porte au ciel les plaintes gémissantes ! Des Dames en plorant errent toutes tremblantes Par ces grands corps d'hostel ja du feu menassez, Et donnent des baisers aux poteaux embrassez. Pyrrhe presse et fait voir qu'en luy se renouuelle La uiolente ardeur de l'ame paternelle.

Ny gardes ny cloisons ny peuuent résister. Le bellier au front dur, à force de hurter lette la porte à terre, et d'vn effort extrême Fait en fin hors des gonds tomber le poteau mesme. La force ouure le pas : les Grecs à l'heure entrez. Massacrent en fureur les premiers rencontrez : Inondent tous les lieux du debord de leurs armes, Et font couler par tout ou le sang ou les larmes.

Auec moins de fureur se rue emmy les champs, Enflé de maints torrents des hauts monts trébuchants, Vn fleuue dont les flots renuersans leurs chaussées, Furieux du surcroist des ondes amassées,

266 ŒVVRES POÉTIQ VES

Et noyans tous les prez d'vn déluge écumeux, Cassines et troupeaux entraînent auec eux.

le vy Neoptoleme, et tous les deux Atrides Baigner là dans le sang leurs dextres homicides : l'y vey la Reyne Hecube, et cent dames autour : l'y vey Priam en fm clorre son dernier iour : Et deuant les autels de ses Dieux domestiques Souiller du propre sang de ses veines antiques, Et du sang de ses fils auec luy massacrez, Les saincts feux que luy-mesme il auoit consacrez.

Ce grand et doux espoir dont cinquante Hymenees Faisoient en ses nepueux refleurir ses années, A l'heure va par terre, et vont par terre encor Ces pilliers qui vestus de riches lames d'or S'esleuoient orgueilleux de despoiiilles pendantes, Les Grecs les saccageans ou les flammes ardantes.

Mais peut estre attens-tu que ce triste discours Te conte quelle mort donna fin à ses jours. Voyant la cité prise aller tomber ' en cendre, Ses portaux aboattus cesser de le deffendre. Et l'ennemy régner es lieux plus reuerez Que son palais eust point en son sein retirez : Il charge, bien qu'en vain, ses espaules tremblantes Du fardeau desapris de ses armes pesantes : Ceint vn glaiue inutile, et va dans le plus fort Des ennemis vainqueurs se ruer à la mort.

Au milieu du palais et sous le nud des astres, Vn grand et large autel gisoit sur ses pilastres, Et tout contre vn laurier qui chargé de trop d'ans Courboit dessus l'autel ses bras longs et pendans, Seruant d'vn parasol venerablement sombre ^ Aux pénates sacrez qu'il couuroit de son ombre. Icy, la triste Hecube en pleurs et hors de soy, Et ses filles encor s'assemblant en effroy,