LE FRERE DE L'AUTHEUR AUX LECTEURS
L'autheur de ces petites œuures perseueroit en l'irrésolution qui l'a si longtemps retenu de les faire imprimer, iusqu'à tant qu'outre le commandement des plus Grands, nous autres ses amis, et moy particulièrement, luy ayons fait recognoistre qu'aussi bien malgré qu'il en eust estoient elles imprimées deçà delà, par pièces misérablement estropiées, et auec vne infinité de fautes qui les defiguroient entièrement : Et qu'àceste occasion, puisqu'il n'estoit pas en sa puissance d'en empescher l'impression, il valloit mieux qu'elles le fussent en la forme qu'il leur auoit donnée il y a quelques ans, repassant vn peu les yeux par dessus, que non pas comme elles estoient tous les iours par le premier Imprimeur qui s'aduisoit de faire vn ramas de diuerses Poésies de ce temps, comme vn fagot de bonnes et de mauuaises herbes, où bien souvent luy en donnant qui ne luy estoient point deuës, on luy en ostoit d'autres pour reconipence qui luy appartenoient iustement : Et que s'il ne vouloit pas qu'elles sortissent en lumière sous son nom, comme tenant vn peu trop de l'aage où premièrement elles furent composées, qu'il auoit pour remède la permission de le tàife : Chose
306 ŒVVRES POÉTIQVES DE M. BERTAVT.
mesme que d'autres ont pratiquée pour le seul désir de voir quel iugement on feroit de leurs ouurages, sans engager ny leur nom ny leur réputation. De telles et semblables raisons nous auons fmablement contraint son irrésolution à prendre party, le faisait mesme souuenir du petit prouerbe qui dit aussi véritablement que plaisamment, Marie ta fille, ou elle se mariera. Et là dessus, me les ayant données pour en disposer comme ie voudrois, ie me suis hasté, deuant qu'il se r'auisast, de vous en faire vn présent : m'asseurant que si elles ne sont bien receuës de tous, elles le seront pour le moins de beaucoup d'honnestes personnes qui leur font l'honneur de les désirer encor que le long temps qu'il y a qu'elles courent par pièces, soit escrites à la main, soit imprimées, ait osté à quelques vues d'entreelles presque toute la grâce de la nouueauté. Mais comme il y en a beaucoup qui ont des ja veu le pais, et qui pour ceste occasion en sont vn peu plus àsseurees, aussi beaucoup et presque les deux tiers n'ont iamais estéveuës hors de la maison de leur père, et viuent encor en la peine de ne sçauoir comme elles seront receuës, bien que vostre courtoisie leur face espérer de vostre faueur, ce que d'autres plus parfaictes et sorties de meilleure main ont obtenu de leur propre mérite.
STANCES
|rne si douce chaîne emprisonne mon cœur, Vne si belle main tient mon ame asseruie, IJAK Que si le crains la mort, c'est pour la seule peur De sortir de prison en sortant de la vie.
Non, plustost on verra la neige s'embraser. Que iamais ma franchise à mes fers ie préfère : Car comme ils sont trop forts pour les pouuoir briser. Aussi sont-ils trop doux pour m'en vouloir défaire.
L'ingénieux Dédale en l'antique saison.
Afin de s'affranchir, empluma ses aisselles : Et moy, pour demourer à iamais en prison, l'enchaine mon amour, et luy coupe les aisles.
Aussi tiens-ie mes fers pour vn présent des cieux. Et l'éternelle chaine oii sa beauté m'enlace, Plustost pour vn loyer d'auoir aimé ses yeux. Que pour vn chastiment d'en auoir eu l'audace.
Bien-heureux, à l'égal des plus heureux esprits. Si fuyant la rigueur aux belles coustumiere. Elle se laissoit prendre à celuy qu'elle a pris, Mesme neud l'en rendant geôlière et prisonnière.
Mais ie souhaite vn bien des mortels ignoré. Dont ie voy l'espérance à mon cœur interdite : Et qui sera tousiours vainement désiré.
Si pour le posséder il faut qu'on le mérite.
Belle que i'aimeray mesme dans le cercueil. Belle par qui mon ame en flamme est conuertie, Qu'vne extrême beauté pouuant enfler d'orgueil, Vne extrême vertu remplit de modestie ;
508 ŒVVRES POÉTICLVES
Deuant que de te voir, i'aimoy le changement, Courant les mers d'Amour de riuage en riuage, Désireux de me perdre, et cherchant seulement Vn roc qui me semblast digne de mon naufrage.
Mais ie pris en horreur ce penser inconstant, Aussi tost que ton œil m'eut mis en sa puissance ; Asseuré que changer ce me seroit autant Manquer de iugement que manquer de constance.
Toy de qui la Beauté secondant les vertus, Est l'vnique Rémore ' et l'ancre qui m'arreste, Regarde de quels flots mes esprits sont battus, Et commande à tes yeux d'en calmer la tempeste.
Mais non, ne m'oste point le bien de mon tourment. Ne m'oste point ma gloire en m'estant plus humaine : Si le repos du ciel gist en son mouuement, le suis comme le ciel, mon repos c'est ma peine.
Defens tant seulement à ta ieune beauté D'estoufFer de douleur vn esprit qu'elle anime : Et pour trop reuerer ta chaste cruauté. De ton adorateur ne fay point ta victime.
Mon ame est de vos laqs si doucement pressée, Qu'il n'est point de tourment que ie n'y trouue doux Et ne m'estime heureux qu'alors que ma pensée Me rauit hors de moy pour aller viure en vous.
I . Rémort. Poisson de mer du genre Échenéis, auquel la fable attribuait la merveilleuse propriété d'arrêter la marche des vaisseaux (remorari, retarder). — De là, ce mot a signifié obstacle. — Cf. Lacurne de Sainte-Palaye, Dict. de l'anc. lang. fr:
DE M. Bertavt. ^09
Aussi sa Beauté mesme en vous seule resserre, Pour la gloire d'Amour, les délices des Dieux : Mon ame vit en moy comme l'on vit en terre, Mais elle vit en vous comme l'on vit es cieux.
C'est pourquoy bénissant la cause de ma prise, Et l'heure où me perdant ie cessay d'estre mien, le ne regrette point ma première franchise, Puis que me seruitude est ma gloire et mon bien.
A qui doy-ie plustost consacrer mon seruice Qu'à ce diuin esprit de grâces reuestu, Dont le seruage apprend à maistriser le vice, Et qu'on ne peut aimer qu'en aimant la vertu?
le vante ma defaitte ainsi qu'vne victoire, Quand ie voy ce bel oeil, cet astre de mon heur, Dédaigner tous les cœurs qu'on immole à sa gloire. S'ils ne luy sont offerts sur l'autel de l'honneur.
l'en adore la grâce immortelle et mortelle. Qui rend d'vn seul regard mille esprits enchantez : Et, fors qu'en vn miroir dont la glace est fidelle. Ne voit rien en ce monde approcher ses beautez.
Puis ie dy tout rauy : C'est en vain que i'espere Les loyers proposez aux désirs d'vn amant : Il me faut reputer ma peine pour salaire. Et penser que le fruit s'en recueille en semant.
L'honneur de la seruir paye assez mes seruices, Si les contentements que la gloire produit Mérite qu'on préfère aux plus rares délices La peine et les trauaux dont l'honneur est le fruit.
Et bien suis-ie honoré de vous seruir. Madame, Esclaue de ces mains dont la beauté me prit. Puis que ie suis vn corps de qui vous estes l'ame, Et que le corps s'honore en seruant à l'esprit.
Mais que dy-ie? ô beauté, que Venus mesme enuie, Vous n'estes point mon ame, et ie m'en vante à tort : L'ame chérit le corps, et luy donne la vie. Et vous, par vos rigueurs vous me donnez la mort.
JIO ŒVVRES POÉTIQ^VES
le fauls il paroist bien que par vous ie respire : Mais comme en vn flambeau que l'on renuerse à bas, La cire esteint le feu, bien qu'il viue de cire ; De mesme vous causez ma vie et mon trespas.
Or faites que ie meure, ou faites que ie viue, lamais vostre beauté ne mourra dedans moy : Mon cœur ne peut chanf^er pour change qui m'arriue : Le sort n'a point d'Empire à l'endroit de ma foy.
Si ie vy conserué par l'heur de vostre grâce, Vous m'entendrez chanter vostre iuste pitié : Si par vostre rigueur l'Acheron l'outrepasse, Mourant i'oiray vanter ma constante amitié.
Bien voudroy-ie (et mes vœux soient exemps de blasphèr Oiiir plustost vanter après tant de tourment Vostre iuste pitié que ma fermeté mesme, Et plustost viure heureux que mourir constamment.
Aussi verray-ie point qu'à la fin il vous plaise Desarmer vostre sein de sa dure rigueur? Et permettre en m'aimant qu'il saute de ma braise ' Quelque ardante estincelle en vostre ieune cœur?
Si tant d'heur m'arriuoit, vne secrette gloire De mes trauaux passez, adouciroit le fiel : Et mon esprit alors auroit sujet de croire Qu'il se boit du Nectar ailleurs que dans le Ciel.
Maisquoy? c'est souhaitter d'vne ardeur imprudente Ce qu'à peine les Dieux oseroient désirer. Et ne cognoistre pas qu'il faut en ceste attente Mériter dauantage, ou bien moins espérer.
C'est bien assez qu'vn Dieu, d'vn œil doux et propice Regarde la victime et l'ame qui se plaint. Sans que bruslant encore au feu du sacrifice, Mesme flamme consume et l'offrande et le saint.
' 1 . Bertaut emploie souvent au figuré ce mot braise, pour brasier, foyer d'amour, flamme amoureuse.
DE M. BERTAVT. 311
Aussi, mon doux espoir, tout ce que ic demande Lors que de mes souhaits i'importunc les Dieux, C'est que mon cœur ardant soit trouué digne offrande De vous sa viuc idole, et du. feu de vos yeux.
Encor est-ce vn souhait impossible en nature : Car pour offrir un cœur aux ffammes de vostre œil, Digne de sa lumière et si saincte et si pure. Il faudroit vn Phœnix comme il est vn Soleil.
STANCES
Qviconque admirera Tardant feu de mon ame, Estonné d'vn amour si rare et si parfait ; Qu'il aille contempler la cause de ma flame , Et lors il cessera d'en admirer l'effect.
II verra la Beauté qui me tient en seruage, D'vne si saincte ardeur les âmes enflammer, Qu'il me condamneroit à l'aimer dauantage S il pensoit qu'vn mortel peust dauantage aimer.
Car le ciel a logé tant de grâces en elle, Et de tant de beautez ses traits sont reuestus, Qu'elle est toute parfaite, osté qu'elle est cruelle, Et rien fors la pitié ne manque à ses vertus.
Nul aussi n'eust iamais l'heur de sa cognoissance, Qui volontairement ne s'en soit veu charmer : Et qui n'ait en l'aimant senty la repentance De n'auoir pas plustost commencé de l'aimer.
Ses attraits ne sont rien qu'agréables supplices, Qu'inuisibles filets tendus pour les esprits, Que venins enchanteurs destrempez en délices. Et trompeurs hameçons qu'en prenant on est pris.
312 ŒVVRES POÉTICLVES
Si deuant son beau teint, ce teint qui tout surmonte, Ou la rose ou le lis osent se présenter, Soudain on apperçoit oue l'vn rougist de honte, L'autre pallit de peur de s'en voir surmonter.
Ses yeux, ces petits cieux où sans cesse il éclaire. Et d'où l'Amour froudroye vn million de cœurs. Sont des yeux les plus beaux le parfait exemplaire, Et font mesme en tuant qu'on aime leurs rigueurs.
Aussi quiconque en voit l'œillade enchanteresse Empoisonner ses traits de ses plus doux appasts, S'il ne meurt point d'amour il faut qu'il se confesse Indigne de mourir d'vn si noble trespas.
Regardant de son poil flotter les riches ondes, le pense aux fleuues a'or que la Grèce a chantez : Et ne demande plus, voyant leurs tresses blondes. En quelles rets Amour prend tant de libertez.
Sa bouche est un iardin bordé de fleurs écloses. Où l'Eloquence mesme habitant ce pourpris Fait parler les œillets, fait sous-rire les roses, Et la voix d'vn corail enchanter les esprits.
Quant à sa belle main, ceste viue merueille Qui de ma liberté rend l'Amour possesseur, Eîfe seroit au monde vnique et sans pareille Si Dieu l'eust condamnée à n'auoir point de sœur.
Mais pour mon double mal elle nasquit gemelle D'vn marbre qui mobile en dix branches se fend : L'vne exerce le vol, et l'autre le recelé : L'vne commet le meurtre, et l'autre le défend.
Ainsi les loix du ciel à ses vœux fauorables, La comblant de tout l'heur qui se peut désirer, Ont rendu ses beautez tellement admirables. Que mon extresme amour s'en doit moins admirer.
A peine ie la vey que ie m'en laissay prendre, Charmé de ses beaux doigts doucement inhumains : Car tant s'en faut qu'alors il me pleust m'en défendre, le leur aiday moy-mesme à me Her les mains.
DE M. BERTAVT. 313
Aussi deuins-ie heureux, deuenant leur conqueste : 0 mon ame, reuere et beny ce beau iour, Et fay que désormais ainsi qu'vn iour de feste, Il soit marqué de rouge au calendrier d'Amour '.
STANCES
Ne vous offensez point, belle ame de mon ame. De voir qu'en vous aymant i'ose plus qu'il ne faut : C'est bien trop haut voiler, mais estant tout de flame Ce n'est rien de nouueau si ie m'éleue en haut.
Comme l'on voit qu'au ciel le feu tend et s'élance, Au ciel de vos beautez, ie tens pareillement : Mais luy c'est par nature, et moy par cognoissance; Luy par nécessité, moy volontairement.
Aussi suis-ie content que le sort aduersaire Darde sur mon amour quelque trait orageux, Pourueu que l'accusant ainsi que téméraire, Quelqu'vn aussi le loiie ainsi que courageux.
Car il me reste assez graué dans la mémoire, Que voulant m'approcher d'vn céleste flambeau, La mort en ceste audace est coniointe à la gloire. Et que sous ce trophée est basty mon tombeau.
Mais puis qu'en mon amour il faut que ie m'égare, Du vol de mes désirs déréglant la hauteur. De quel plus beau Soleil pourroy-ie estre l'Icare, Moy qui veux consoler ma mort par son autheur?
L'homme est bien malheureux, dequil'ameindiscrette Peut ailleurs qu'en vos mains sa franchise enfermer : C'est ou n'auoir point d'yeux pour vous voir si parfaite, Ou n'auoir point de cœur pour vous oser aimer.
I. Calendrier fait trois syllabes, comme bouclier, meurtrier, ouvrier.
314 ŒVVRES P0ÉT1Q VES
Quant à moy , ie plaindrais et ma peine et mes larmes, Si ie les despendois pour de moindres beautez. Car ie hay qu'vn autre œil m'enchante de ses charmes, Que celuy qui rendroit les dieux mesme enchantez.
Non, sçachant que ma flamme est céleste et diuine, le ne puis rien aimer s'il n'est esgal aux dieux : le veux qu'vn bel oser' honore ma ruine; Et puis qu'il faut tomber, ie veux tomber des cieux.
Arrière ces désirs rampants dessus la terre : l'aime mieux, en soucis et pensers eslevez, Estre vn aigle abattu d'vn grand coup de tonnerre, Qu'vn cygne vieillissant es iardins cultiuez.
Non, en volant si haut ie ne crain point l'orage, Et l'effroy du péril ne m'en retire point : Ce qui sert d'vne bride aux esprits sans courage. Est vn vit esperon dont le mien est espoint.
l'aime qu'à mes desseins la fortune s'oppose : Car la peine de vaincre en accroist le plaisir. Pouuoir facilement obtenir quelque chose, M'est assez de sujet d'en perdre le désir.
Aduienne seulement que mon ame embrasée Du désir d'acquérir ceste riche toison.
Trouve la seule peine à mes vœux opposée. Afin que de ce monstre elle soit !e lason.
Mais helas ! ie crains fort qu'vn malheur inuincible Transforme tellement l'heur à qui ie m'attends. Qu'au lieu de difficile il le rende impossible. Et ioigne à mes trauaux la perte de mon temps.
Démentez ceste crainte, ô beauté qui conuie Aux erreurs de l'Amour les plus sages esprits : Suffise à vos rigueurs qu'il me couste la vie. Sans que l'en perde encor et l'attente et le prix.
I . Oser, verbe pris substantivement ; un bel oser, pour une belle audace.
DE M. Berta VT. 3 1 s
Ainsi de vostre teint l'immortelle ieunesse Ne soit iamais sujette à l'empire des ans : Ny ne puissent iamais les traits de la vieillesse Vous rendre les miroirs des objects mal-plaisans.
Ainsi la libre voix des belles de cest âge, Vous puisse déclarer Roine de la Beauté; Et tout ce qui dédaigne à vous en faire hommage, Criminel enuers vous de leze Majesté.
STANCES
Hélas que me sert-il d'aimer, si l'on ne m'aime. Pipé du vain espoir qui ni'a presque charmé.'' le ressemble au flambeau sur la table allumé, Qui pour seruir autruy se consume soy-mesmc.
O bel œil, doux vainqueur des Royalles couronnes. Qui promets des faueurs et donnes du tourment, Donne ce qu'en riant tu promets vainement. Ou bien, à tout le moins, promets ce que tu donnes.
Pourquoy, rares beautez, sous ces appasts aimables Cachez-vous les tourments dont l'esprit est gesné? Faut-il que ressemblant au sucre empoisonné Vostre propre douceur vous rende redoutables ^
Ah ! douceur sans pitié qui feinte et mcnteresse Me promettois tant a'heur au plus malheureux iour ! Puis que ceste promesse engendra mon amour, le veux manquer d'amour comme toy de promesse.
Heureux, si mon ardeur commençant à decroistre, Et mon cœur essayant de redeuenir sien, le le voulois sans feinte, et sçauois- aussi bien Corriger mon erreur que ie la sçay cognoistre.
Mais ie me sens estreint d'vne chaisne éternelle : Et quand i'en pourrois rompre ou dissoudre les nœuds, 11 n'aduiendra iamais qu'en violant mes vœux Le peu de foy d'autruy me rende moins fidelie.
3lé ŒVVRES POÉTIQ.VES
Toutes les cruautez des amoureux supplices Gesnant ma fermeté, peuuent si peu pour moy; Qu'aymer trop constamment et trop garder ma foy, Se peut dire à bon droit estre l'vn de mes vices.
l'esperois que le feu de qui Fardante flame Se voit de ma raison tous les iours triompher, Ou grand et violent vous pourroit échaufer. Ou loible et modéré s'esteindroit en mon ame.
Mais au lieu que l'esprit de la flamme ordinaire Se laissant vaincre à l'eau du froid se rend vaincœur ; Le mien brusle en mes pleurs et vous glace le cœur, Viuant en son contraire et causant son contraire.
En vain donc ma raison à sa flamme s'oppose ; Mon amour est céleste, il ne sçauroit périr : Au moins il ne sçauroit qu'auecques moy mourir, Car viure et vous aimer, en moy c'est mesme chose.
Le feu dont la Chimère estoit iadis à craindre, S'esteignoit par la terre, et s'allumoit par l'eau : Le mien en est ainsi ; la terre du tombeau Seule esteindre le peut, si rien le peut esteindre.
STANCES
Que s'empescher d'aimer est dur aux belles âmes ! Qu'aimer fidellement apporte de soucy !
— Qu'Amour tempère mal vos glaçons etmes fiâmes, 0 beauté trop aimable et trop aimée aussi !
Las, i'endure pour vous de si tristes allarmes, Qu'à ces rares beautez qui causent mon trespas C^st ou trop de rigueur que de les voir sans larmes, Ou trop d'aueuglement que de ne les voir pas.
Mais vous les voyez bien, et par ma flame ardante Jugez bien que vos yeux ont ces feux attisez : Car en fin vous monstrez d'estre trop clair voyante Pour ne cognoistre point le mal que vous causez.
DE M. BERTAVT. 517
Vn autre œil que le vostre auroit-il la puissance De me faire en amour tant de peine endurer? Autre cœur que le mien auroit-il la constance De souffrir tant de mal sans plaindre et souspirer?
Non non, vous voyez bien la grandeur de ma peine Quoy que ce fier esprit n'en soit en rien touché. Vostre œil n'est point aueugle, ains vostre ame inhumaine Et par sa cognoissance elle accroist son péché.
Ou bien la froide humeur dont vous estes glacée Fait qu'ingrate et cruelle à ma saincte amitié, Voyant bien mes ennuis des yeux de la pensée, Vous ne les daignez voir des yeux de la pitié.
Las eussé-ie attendu qu'vne Beauté si rare Sous ses riants attraits cachast tant de rigueur? Et qu'vn object aimable à l'esprit plus barbare. Estant si doux à l'œil, fust si cruel au cœur?
Non, ie n'eusse pas creu que sous ce beau visage Logeast tout ce qu'Amour a d'aigreur et d'orgueil, y Aussi, quoy que mon mal trop tard me rende sage, Mon cœur d'oresnauant ne croira plus mon œil.
Mon œil pipé du vostre a creu les apparences Dont Amour sçait charmer vn esprit peu rusé : Mais moy ie n'en veux plus tromper mes espérances, Ny croire l'abuseur non plus que l'abusé.
Aussi bien me paist-il d'vne espérance vaine ; Et tout ce que mon ame en ose présager, S'il contient vérité ne m'annonce que peine. S'il me promet du bien se trouue mensonger.
3l8 ŒVVRES POÉTICLVES
COMPLAINTE
