S 0 N RT
1e ne puis plus languir en l'incertaine attente De l'heur ou du malheur qui me doit arriuer : Il faut que la Beauté qui m'a sceu captiuer Par vn final arrest me perde ou me contente.
DE M. BERTAVT. 41$
Demain que son retour me la rendra présente, Faisant naistre un Printemps au cœur ae cet Hyver, le veux ou sa rigueur ou sa grâce éprouuer, L'adiurant de finir le mal qui me tourmente.
Mais quoi? ie me doy donc préparer à la mort, Ne pouuant auenir, pour mon plus heureux sort. Que demain sa response au tombeau ne m'enuoye.
Car veu l'ardent désir dont ie sens la chaleur, Si ie suis exaucé mon cœur mourra de joye : Si ie suis éconduit, il mourra de douleur.
SONET
Amy qui m'cstimant plus doucement traitté Qu en effect ie ne suis de ma belle inhumaine, luges qu'en la seruant ie ne perds point ma peine, Helas, que ton penser est plein de vérité !
Non, ie ne la perds point, quoy que de tout costé Cherchant à m'en priuer ie cours et me promeine : le la porte en tous lieux, et n'ay muscle ny veine, Artère ny tendon qui n'en soit tourmenté.
le ne la sçaurois perdre, encor que ie l'essaye : Et ie perds tous les iours (mesme auant que ie l'aye) Le fruit de mon seruice et l'espoir de mes pas.
Voy combien le destin à mes vœux est contraire : le ne puis perdre vn mal dont ie me veux défaire, Et perds incessamment le bien que ie n'ay pas.
SONET
andis que i'ay pensé qu'elle auoit agréable L'humble deuotion de ma constante foy,
4l6 ŒVVRES POÉTIQVES
l'ay désiré de viure, helas! non tant pour moy Que pour rendre à iamais sa beauté mémorable.
Mais maintenant qu'au lieu de m'estre fauorable Elle m'a pris en haine, et si ne sçay pourquoy; 0 mort, s'il te plaisoit de m'appeler à toy, le fuirois volontiers ce monde misérable.
le sçay bien, doux repos de tout humain soucy, Que craindre il ne te faut ny désirer aussi ; Mais de ces raisons-là ma fureur me dispense :
Car viuant ie ne puis son amour délaisser : Or voy-ie malheureux qu'en l'aimant ie l'offense ; Et i'ayme mieux mourir que viure et l'offenser.
SONET
A DIEV.
De postposer ta gloire aux loix de son seruice, De n auoir dans le cœur rien que son nom escrit, Et pour charmer vn mal qui tous les iours s'aigrit, Luy faire incessamment de mon cœur sacrifice ;
Seigneur, c'est vn péché bien digne du supplice Que iamais ny l'espoir ny le temps n'amoindrit : Mais il n'est pas commis contre ton sainct Esprit, Car il naist de foiblesse, et non pas de malice.
Tu sçais bien, ô Seigneur, que si ie l'eusse peu, Depuis maintes saisons ce laqs l'eusse rompu. Tirant ma liberté d'vne main si cruelle.
Si bien que si l'aimant et servant malgré moy, La contrainte amoindrit mon mérite enuers elle ; Elle amoindrit aussi mon offense enuers toy.
DE M. Bertavt. 417
