SUR LA CONFERENCE TENUE A FONTAINE-BLEAU

Si iamais mon esprit conceut quelque espérance De voir les deux partis qui diuisent la France Reconjoints en vn seul, et comme ils n'ont qu'un Roy, N'auoir qu'vne loy mesme, et qu'vne mesme Foy : Certes c'est maintenant qu'vne entente asseuree S'en engendre en mon ame, et l'y rend préparée, Puis qu'auec tant de zèle et de constante ardeur (0 Roy de qui la terre admire la grandeur), le vous voy trauailler sans relaschc et sans feinte, Pour le progrez d'vne œuure et si iuste et si saincte.

Car ie ne puis douter que ces heureuses mains, Que ce cœur inuincible aux accidents humains, Qui lors que le soucy des sceptres de la terre Les alloit agitant par les flots de la guerre, Ont eu Dieu si propice, et qui victorieux Ont atteint par sa grâce vn port si glorieux, N'esprouuent sa faueur cent fois plus manifeste. Maintenant que pour luy, pour vne œuure céleste. Pour l'heur ae son Espouse, et l'honneur des autels. Vous rongez vostre esprit de soucis immortels, Et paroissez bruslcr d'vne éternelle enuie D'offrir ce qui vous reste et de sang et de vie.

Trois Rois vos deuanciers désireux de trouuer Vn chemin qui les fist à ce bien arriuer. L'ont cherche comme vous, mais les fruits de leurs peines N'ont repeu leurs désirs que d'espérances vaines : Pource qu'ils l'ont cherché par les sanglants combats, Par les monceaux poudreux des murs iettez à bas. Par l'effort des tourments, par la rage des flames. Par ce qui fait trembler les plus constantes âmes