SUR LA MORT DE HENRY LE GRAND
« En fin l'ire du Ciel et sa fatale envie, Dont j'avois repoussé tant d'injustes efforts, Ont détruit ma fortune, et, sans m'oster la vie, M'ont mis entre les morts.
« Henry, ce grand Henry, que les soins de nature Avoient fait un miracle aux yeux de l'univers, Comme un homme vulgaire est dans la sépulture A la mercy des vers !
« Belle ame, beau patron des célestes ouvrages, Qui fus de mon espoir l'infaillible recours, Quelle nuict fut pareille aux funestes ombrages Où tu laisses mes jours!
'est bien à tout le monde une commune playe, Et le malheur que j'ay, chacun l'estime sien; Mais en quel autre cœur est la douleur si vraye Comme elle est dans le mien?
l'i fidèle compagne, aspirant à la gloire Que son affliction ne se puisse imiter, Seule de cet ennuy me débat la victoire, Et me la fait quitter.
o L'image de ses pleurs, dont la source féconde Jamais depuis ta mort ses vaisseaux n'a taris, C'est la Seine en fureur qui déborde son onde Sur les quaiz de Paris.
« Nulle heure de beau temps ses orages n'essuyé, Et sa grâce divine endure en ce tourment Ce qu'endure une fleur que la bise ou la pluie Bat excessivement.
• Quiconque approche d'elle a part à son martire, Et par contagion prend sa triste couleur, Car, pour la consoler, que luy sçauroit-on dire En si juste douleur?
" Revien la voir, grande ame ! oste-luy cette nue Dont la sombre espesseur aveugle sa raison, Et fay du mesme lieu d'où sa peine est venue V air sa guerison.
« Bien que tout reconfort luy soit une amertume, Avec quelque douceur qu'il luy soit présenté, Elle prendra le tien, et, selon sa coutume, Suivra ta volonté.
« Quelque soir en sa chambre apparois devant elle, Non le sang en la bouche et le visage blanc, Comme tu demeuras sous l'atteinte mortelle Qui te perça le flanc;
« Viens-y tel que tu fus, quand aux monts de Savoye Hymen en robbe d'or te la vint amener, Ou tel qu'à Saint-Denis, entre nos cris de joye, Tu la fis couronner.
t( Après cet essay fait, s'il demeure inutile, Je ne cognois plus rien qui la puisse toucher, Et sans doute la France aura, comme Sypile, Quelque fameux rocher.
« Pour moy, dont la foiblesse à l'orage succombe, Quand mon heur abbattu pourroit se redresser, J'ay mis avecques toy mes desseins en la tombe; Je les y veux laisser.
« Quoy que pour m'obliger face la destinée, Et quelque heureux succez qui me puisse arriver, Je n'attends mon repos qu'en l'heureuse journée Où je t'iray trouver. »
il, de cette Cour l'honneur et la merveille, Alcippe soupiroit, prest à s'évanouir.
On l'auroit consolé; mais il ferme l'oreille, De peur de rien ouyr,
A LA REINE MERE DU ROY
