CHAPITRE LXIII

Comment le roy de Hongrie clama la duché de Lucembourg.

Or estoit le roy Lancelot parvenu à l'alliance du roy franchois, comme avez oy, et lui estoit accordée madame Magdalaine pour avoir à femme. Sy s'en tenoit beaucoup plus fort ledit jeusne roy pour bouter outre la querelle que avoit à l'encoutre du duc de Bourgongne. Sy ne s'oublia mie guères longuement sans descouvrir le courage que lui port oit, pensant soy pouvoir venger de lui par la main maintenant dQ roy son beau-père, et de fait mi.st sus une ambassade arrière laquelle il tramist devers lui, et vint icelle à Lyon sur le Ronne,et là venus et bien reçus, vinrent devant le roy et lui firent certaines doléances à rencontre du duc de Bourgongne sur trois points, dont le premier sy estoit que ledit duc se devoit estre obligié dès alors qu'il estoit à Eainsebourg pour cuidier trouver l'empereur, de faire le voyage affirmativement avec le roy Lancelot à l'encontre du Turcq, et qu'à ceste cause ledit roy Lancelot, soy affiant aux paroles et promesses dudit duc, devoit avoir porté et soustenu plusieurs grans frais et missions, dont il demandoit restitution et remboursement; le second point sy estoit '. Tiercement et pour

' Lacune de quelques lignes.

DE CHASTELLàlN. 521

le plus principal demandoit les terres et pays de Lucembourg que ledit .duc torcliounièrement ' lui détenoit et en avoit expuls ses gens et serviteurs par puissance, le conte de Clicq et les autres, lequel pays estoit et devoit estre son propre héritage, et pour ceste cause il requéroit secours et pourvision par la main du roy son souverain et dont il estoit subjeet, et lui sambloit bien que par lui et par son aide, il en pourroit bien avoir raison. Le roy toutevoies, qui en si haute matière comme ceste, ne pouvoit bonnement et honneur sauve donner légière response, considéré aussi la difficulté du cas, sagement fit respondre auxdits ambassadeurs que temprement il envoieroit devers son beau-frère le duc de Bourgongne, son ambassade, l'évesque de Constance et messire Jehan Boursier, et lors, aveuc les autres matières, leur donroit charge de ceste-icy et en feroit après à l'expédient du cas et au mieux que pourroit. De quoy eux se tinrent à bien contens à celle fois, et leur samblera bien que fînablement par tenir celle voye, ils parviendroient à leurs fins qui plus leur estoient loingtaines que ne pensoient et plus difficiles aussi beaucoup.

Envers ce temps-cy, la veille de Saint-Pierre, par nuyt fit le feu un merveilleux dammage en Durdrecht ", et commençant en la grande esglise qui toute fut arse, brûla toute la longue rue jusques aux fondemens, en nombre bien de cinq à six cents maisons, qui estoit la plus belle rue des crestiens. Nientmoins, pour ce que riches gens sont et puissans, refirent ladite ville plus belle qu'onques

• Torchonnièrement, injustement, à tort.

2 La ville de DordrecLt était alors fort florissante. « Ceuls de Dour- « drechtse réputent en Hollande comme Gand en Flandres et veullent, « en toutes assemblées où ils se trouvent, avoir l'honneur. » (Chron. manusc. de La Haye.)

et plus magnifique. De cesle ville se pourroient dire beaucoup de hautes besongnes, mais assez en y a escrit du temps que le duc conquist Hollande en son moyeu et à tant m'en déporte droit-cy, car droit-là s'en treuve la description toute.