DE DURAS

contèrent tout ce au duc d*Ângo. « Ne puet chaloir , dist H c dus ; j*ai dit et juret que jamais de chi ne partiray , si « arai le castel à ma volenté. » Respondi li connestables : « Et vous n'en serés jÀ desdis. >

Âdont flst-on drechier tous les engiens qui là estoient, à tour dou castel , et mettre en oevre carpentiers pour faire et carpenter atoumemens d'assaus pour esbahir chiaux dou chastiel. Quant chil dou fort veirent les atoumemens et Tordonnance de chiaux dou fort et des François, et que 11 assauls leur seroit plus felènes et périlleux , si se avisèrent que il se meteroient en traictié. Si traictièrent devers le connestable que on les volsist prendre à merci sauf leurs corps et le leur , et renderoient le castel. Li dus d'Ango eut conseil , par Favis dou connestable , que il ne voloit plus traveillier , ne blechier ses gens , et que il les prenderoit par ce parti. Au tierdi jour il se partirent et furent conduit là où il voloient aller. Et li connestables prist la possession dou castel , mais il me semble que li dus d*Ango ordonna et commanda que il fust abatus.

Après le conques de la ville et dou caste} de Duras , li dus d'Ângo ordonna à demorer en le ville de Landuras (car li sires de Landuras estoit devenus frangois de la prise qui fu à Ymet) messire Jehan de Jeumont , messire Jehan de Roye et messire Jehan de Rosoie , à tout C lances de bonnes gens , pour tenir et garder la frontière encontre les Bourdelois , et eut volonté de retourner arrière vers Thoulouse et veoir sa femme qui estoit relevée d'un biau fil , et voloit à ces relevailles à Thoulouse tenir et faire une grant feste. Si ordonna par toutes les villes et castiaux , que en celle saison il avoit conquis , gens d'armes , et mist en

â4 LE DUC D ANJOU RENTRE A TOULOUSE.

garnison pour résister poissamment contre les ennemis ; et donna toutes manières d autres gens congiet , et dist à Yeuwain de Gales : « Vous prenderés de votre chaîne Bre- « tons , Poitevins et Angevins , et en irés en Poito mettre « le siège devant Mortaigne-sus-mer , que li soudis de ^c TEstrade tient , et ne vous partes pour mandement que « on vous fâche de par le roy , tant que vous en ayés la <c saisine ; car c*est une garnison qui moult nous a fait de « contraires. » — « Monseigneur , respondi Yeuwains , à « mon loial pooir obéirai à vostre commandement. »

Là fttrent ordonné en lost , de par le duc d'Ango et le connestable , tout chil qui avec Yeuwain de Gales dévoient aller en Poito. Si se départirent dou duc bien V^ lances de bonnes gens d armes ; et prisent le chemin de Saintonge pour venir vers Saint-Jehan-d'Angéli , et li dus d'Ango » li connestables » li sires de Coucy , li marescaux de France , messires Jehans et messires Pierres de Bueil retournèrent arrière à Thoulouse , et trouvèrent que la duchoise estoit nouvellement relevée. Si y ot à ces relevailles grans flestes et grans joustes. Après ces festes, li connestables de France et li sires de Coucy retournèrent en France , et li marescaux de Sanssoire s en alla en Auvergne en confortant le dauffin d'Auvergne et les barons d'Auvergne qui * guerrioient^ as Ënglès qui se tenoient en Limosin et en Roerghe sus les frontières d'Auvergne. Or parlerons comment Yeu- Avains de Gales mist en celle saison le siège devant Mortaigne-sus-mer et comment il constraindi chiaux de le garnison.

Yeuwains de Gales qui voloit obéir au commandement

Griofment costvoient.

SIÈGE DE HOHTAGNE. 2S

dou duc d*Ango (car bien scavoit que che que li dus &isoit, ch'estoit li ordenance dou roi Charle de France son frôrè , car il paioit tous les deniers dont ces emprises se faisoîent), s'en vint à Saintes en Poito , et là se rafresci , et ossi firent toutes gens d'armes en ce bon païs et cras entour Saintes et Pons en Poito sus ces belles rivières et praeries qui là sont. Si estoient en se compaignie li sires de Pons , li sires de Tors , li sires de Vivone , messires Jaques de Surgières et grant fuison de chevaliers et d'escuiers de Poito. D'autre part des Bretons et des Normans estoient cappitaine messires Meurisses de Treséguedi, messires Âlains de La Houssoye , messires Alains de Saint-Pol , messires Perchevaux d'Âineval, Guillaumes de Moncontour, li sires de Montmor et Morelet ses frères. Si se départirent ces gens d'armes et leurs routes quant l'ordenance fii ; et s'en vinrent devant Mortaigne , liquels castiaux est li plus biaux et li plus fors séans sour le rivière de Garonne et près sour l'embouqure de la mer , qui soit sour toutes les marces et firontières de Poito , de Le Recelé et de Saintonge.

Quant Yeuwains de Gales fu venus, et chil baron et chevalier avoec lui , devant Mortaigne , il bastirent leur siège bien et sagement, et se pourveirent petit à petit de tout ce que il leur besongnoit. Bien scavoient que par assault jamais le castel ne conquerroient fors que par famine et par lonc siège. Si ordonna Yeuwains IIII bastides à l'environ, par quoi nuls ne les peuwist avitaillier par mer , par le rivière , ne par terre. A la fois li jone chevalier et escuier qui avanchier se voloient et qui les armes désiroient , alloient jusques as barrières dou chastel , et là escarmuchoient à chiaux de dedens, et chil dou fort à yaux. Si y avoit fait pluisieurs grans appertises d'armes. Dedens Mortaigne estoit uns chevaliers gascons qui s'appelloit li soudis

26 LES iCOSSAB ESCALADENT

de L'Estrade , vaillant chevalier et boin homme d*arme$ durement, par lequel conseil il ouvroient ensi comme à leur capitaine. De vins et de vivres dedens le castel avoient-ii assés et largement ; mais de autres menues ooses , le siège durant , eurent-il grant nécessité.

Li rois Charles de France , quoique il se tenist à Paris en ses déduis ou où mieux lui plaisoit en France , sans ce que de sa personne il s*armast, (aisoit ensi à tous lés guerryer ses ennemis les Englès , et avoit partout ses alliances tant que as roiaumes et pais voisins, plus que nuls de ses prédécesseurs , IIII ou Y rois endevant , n^eussent onques esté , ne eu , et tenoit grandement à amour chiaux dont il: pensoit à estre aidiés ; et pour ce qu il sentoit le roi Richart d'Engleterre jone et le païs entoueillé, il avoit envoyet en Escoche devers le roi Robert (car li rois David estoit mort) , afin de renouveller amiables traictiés et remonstrances d amour qui dou temps passé avoient esté entre les rois de France ses prédécesseurs et le roi Robert Brus d'Escoœ sen tayon et le roy David son oncle , pour tousjours entretenir aliances et amour, et que de leur partie il fesissent bonne guerre et aspre as Englès et les ensonniassent tellement que il ne eussent poissance de passer la mer. De quoi il estoit avenu que li rois Robers d'Escoche , en celle saison que li rois Édouwars d*EngIeterre estait mort et li rois Richars couronnés , assembla son conseil en Haindebourcq , et là furent la greignour partie des barons et des chevaliers d'Escoche, dont il pensoit à estre servis et aidiés , et leur remontra comment li Englès, dou temps passet, leur avoient fait pluisieurs anois , ars leur païs , abatus leurs castiaux , ocbis et rançonnés leurs hommes ,