MALADIE

Vous savés comment 11 rois Charles de France, qui se tenoit à Paris, traitoit quoiement et secrètement deviers les bonnes villes de Bretaigne à le fin que il ne se yosissent mies ouvrir pour requellier ^ les Englès ^, et là où il le feroient, il se fourferoient trop grandement, et seroit cils fourfais impardonnables. Ghil de Nante qui est la clef des cittés et bonnes villes de Bretaigne, ly remandèrent secrètement que il n*en fust en nulle doubte que ossi ne feroient-il, quel samblant , ne quel tretiet que il euissent enviers leur signeur; mais il voloient, se li Englès aprochoient, que on leur envoyast gens d armes , tant que pour bien tenir et garder la ville et les bonnes gens contre leurs ennemis. De che faire estoit li rois de France en grant vollenté, et lavoit recargiet à son conseil. De tous ces tretiés estoit enssi que tous mestres et souverains messires Jebans de Buel, de par le duc d*Ango qui se tenoit à Ângiers. Li dus de Bourgongne se tenoit en le citté del Mans. Par toutes les villes et les castiaulx de là environ se tenoient li signeur , li dus de Bourbon, li dus de Lorrainne, li dus de Bar, li contes d*Eu, li sires de Couchi et tant de gens d*armes que il estoient plus de VI mille hommes d'armes , et dissoient bien entre yaulxj vosist ou non li rois, que il combateroient les Englès, anchois que il euissent passet la rivière de Sartre qui départ le Mainne et Ango.

En che tamps prist une maladie au roy de France, dont ils principaument et tout cil qui Tamoient, furent moult esbahi et desconforté; car on ny veoit point de retour, ne de remède, que il ne le convenist dedens briefs jours passer oultre et morir, et bien en avoit-il meismes la connissance. Ossi avoient si surgyen et si médechin, je vous diray pour-

* Ne conforter, — "En leurs forte.