SACRE

ofiSce et ce qui à luy apertenoit. Là estoient li haut baron dou Foiaulme de France, vesti et paré si ricement que mervelles seroit à recorder ; et séoit li rois en majesté roial , le couronne ^ très-rice et oultre mesure précieuse ou chief. Li église de Nostre-Dame de Rains fu , à celle heure de le messe et de le solempnité, si plaine de nobles que on ne savoitson piet où tourner. Et entendi que, adont ou nouviel * ayent'dou jone roy et pour * resjoïr le peuple parmy le roiaulme de France, toutes impositions, aides, gabelles, fouages, sousides et autres coses mal prisses, dont li roianimes de France estoit trop blechiés , furent abatues, quittées , ostées et aliennées , et fu grandement à le contemplation et plaissance dou peuple.

Âpriès la messe on vint au pallais, et pour ce que la salle dou pallais estoit petite pour recepvoir tel peuple, on avoit , enmy la court dou pallais où il y a grant place, tendu un hault et grant tref sus hautes estaces , et là fu li disners fais et ordonnés, et sissent li jones rois de France et si Y oncle, Braibant, Ângo, Berri, Bourgongne et Bourbon ^, à sa table et bien en sus de ly. Li arcevesques de Rains et aultres prélas séoient à sa destre , et servoient haut baron : li sires de Gouchi, li sires de Cliçon, messires Guis de la Trémoulle, li amiraulx de France, et enssi des aultres sus haulx destriers couvers et parés de draps d or. Enssi se continua en toutes honneurs la journée, et à Tendemain , le lundi , moult de haulx signeurs prissent congiet au roy et à ses oncles et s'en retournèrent en leurs païs. Sy vint le roi che jour disner en Tabbéie de Saint-Téri à II lieuwes de Rains ; car chil de laiens ly doivent ce ^ pas ^, et cil de la citté de

* De pierres. — *• Avènement. — * Plus. — 'Et avec eulx son grant oucle de Braibant. — •*' Past.