JOUTES ENTRE FRANÇAIS ET ANGLAIS

au commenchement des armes, avoir ainssi ouvré, il n*euist encores commenchié , et , que , se Dieux li aidast , il ne Tavoit peut amender , car il glicha dou piet pour le grant coup que Jehans de Gastiel-Morant ly avoit donné. Si demora la cose enssi. Li François se départirent et prissent congiet au conte de Bouquighem et as signeurs, et en remenôrent en une litière Jehan de Gastiel-Morant jusques au Castiel-Josselin , dont il estoit party , liquels fu de che cop et de la navrure en grant péril de mort. Enssi se départirent cil fait d*armes , et se retraist cascuns en son lieu , li Englôs à Venues, et li François au Castiel-Josselin.

Apriôs ces fais d*armes qui furent fait en che jour que li contes de Bouquighem séjoumoit à Venues , n'eut riens fait ( cose que à recorder face ), et se tenoient li Englès, enssi comme jou ay chi dessus dit , à Venues , à Hainbon , à Camperlé et à Campercorentin, et passoient Tivier au mieux que il pooient. Si y eurent li pluiseur moult de damages , de dangiers et moult de malaisses de vivres pour eulx et pour leurs chevaulx ; car li fourageur ne trouvoient riens sus le païs , et ossi en che tamps les granges sont wides , li fain sont ^ alet ', avoecques che que li François y avoient rendu grant pâinne, affin que leur ennemy n'euissent aise ; et furent li Englès en che dangier moult longuement , car li François estoient eus es garnissons sus les frontières trop poissaument , par quoi li fourageur englès n'osoient chevauchier ^. Il vint as Englès aucuns vivres de mer des illes de Comuaille et de Gernesée et de Wisque , et chela les reconforta moult. Autrement eulx et leurs chevaulx fuissent tout mort de famine.

Uaet. — 'Au large.

àGGORD du roi et du duc de BRETAGNE. 851

Entraes estaient à Paris de par le duch de Bretaigne , li yiscontes de Rohem , li sires de Laval , luessires Charles de Dignant et messires Guis de Rocefort , qui ly procuroient sa pais envers le roy. Il les laissoit convenir , car il veoit bien que il ne pooit tenir son convenant as Englôs (che que il leur avoit proumis) se il ne voloit perdre son pais. Che estoit li intention dou conte de Bouquighem et de ses gens que il passeroient là Tivier en la marche de Venues au plus bel que il poroient, et & Testé il retoumeroient en France et y feroient guerre , et avoient mandet et escript tout leur estât au roy d'Ëngletiôre et au duc de Lancastre. Si estoit li intention dou duc et dou conseil dou roy que li ymaginations dou conte de Bouquighem et de leurs gens estoit bonne , et leur avoient rescript que il fesissent enssi et que à le saisson uns passages des Englôs se feroit de rechief en Normendie et prenderoient tière à Chièrebourc, et se trouveroient ces deus os en Normendie , pour quoi , quant il seroient tout ensamble , il poroient faire un trèsgrant &it en France. Li rois , si oncle et li consaulx ymaginoient bien tous ces poins , et en estoient aucunement aviset et enfourmet, et dissoient bien entre iaulx en secré conseil que , se li du!s de Bretaigne et aucunes de ses villes et ses gens estoient contraires au roiaulme de France avoecques le poissance d*EngIetiôre , li roiaulmes de France aroit pour une saison à porter trop dur fais : pour quoi cil un baron de Bretaigne, qui représentoient ^ le ' duc et qui concevoient bien tous ces affaires , avoient mis ces doubles avant, et espéciaulment il s'en estoient descouvert au duc d*Ângo qui avoit le souverain gouvernement pour le tamps dou roiaulme de France , et li dus d*Ângo qui tendoit à

La personne du.

faire un grant volage et de aller au plus tart dedens deus ans en Puille et en Callabre, ne voloit mies que li roiaulmes de France fust si ensongniés que ses volages en fust rompus , ne retardés. Si s*enclinoit grandement à ce que 11 dus de Bretaigne venlst à paix, affin que il demorast bons François et homs de foy et d'omage dou roy de France.

Tant fu parlementé et tretiet par les IIII barons dessus nommés que 11 dus de Bretaigne vint à acort , et pooit et sans fourfait adrechier les Englès de navires pour râler en Engletierre. Encores mist 11 dus de Bretaigne en ses ordenances que , se chil de le gamisson de Ghièrebourc , qui estoient en che volage venu servir le conte de Bouquighem, s*en voloient par tière nder en leur garnison, il aroient bon sauf-conduit dou roy et dou connestable de France pour faire leur chemin parmy le roiaulme de France, voires à chevauchier sans armeures, et aucun chevalier et escuier d'Engletierre, se il se voloient mettre en leur compalgnie ; et , les Englôs partis de Bretaigne, 11 dus de Bretaigne devoit venir en France deviers le roy et ses oncles et recongnoistre foy et homage dou roy , enssi que uns dus de Bretaigne doit faire à son naturel signeur le roy de France. Toutes ces coses furent escriptes et séellées bien et souffissamment, et aportées deviers le duch de Bretaigne qui pour le tamps se tenoit & Suseniot en la marce de Venues. Sy s acorda, mais che fu à dur, à che que ses gens en avoient fait ; car bien savoit que il ne pooit che faire sans avoir grant mautallent ^ as Englôs.

Quant 11 connissance vint au conte de Bouquighem et as Englès que li dus de Bretaigne s estoit accordés au roy de

' Au conte de Bouquighem et.