REDEMANDE SES FILS

aroit advis. Despuis en furent-il respondu ou nom dou roi et présent le roi que les II enfants ses nepyeux li rois amoit bien dalés lui et que ^ nullement ' il ne pooient mieux ^ et que mieux les deyoit amer li rois de Navare dalés le roi leur oncle que aultre part *, et que nuls il n'en renvoieroit , mais les tenroit dalés lui et leur feroit tenir estât bel , grant et souffisant , ensi que à enfans de roi et ses nepveus appertenoit. Autre responce il n en peurent avoir.

Vous devés sçavoir , entretant que cil traicteur estoient en France, Pierres de Bascle et Ferrando arrivèrent à Chièrebourcq à tous grans pourvéances de vins , de vivres et d'arteiUerie. Si départirent ces pourvéances en pluisieurs lieux ens es villes et ens- es castiaux dou roi de Navare en Normendie , et visitèrent chil doi gouverneur de par le roi de Navare toute la conté d'Éwreux et renouvelleront officiers et misent gens à leur plaisance. Entrues retournèrent en Navare li évesques de Pampelune et messires Martins de le Care , et recordèrent au roi que il trouvèrent à Tudelle, tout ce que il avoient trouvé en France. Si ne fti mies li rois de Navare trop resjoys de ces nouvelles , quant il ne pooit avoir ses enfants dalés lui, et enqueilla en grant hayne le roy de France et lui eust volentiers de fait monstre se il peuist (mais se poissance ne se pooit mies estendre si avant), en grevant et guerriant le royaume de France se il n'avoit alloiances ailleurs. Encores se soufiri-il de toutes ces coses tant que il eut mieux cause de parler et que on lui âst plus grant grief que on n'avoit encores fait.

Nulle part. — *"* Et que mieulx les devoit le roy de France avoir emprés lui que aultruy.