DE BERGERAC
Thiébaut dou Pont , Alios de Calay et pluisieurs autres bonnes gens d armes en grans routes. Si se estendirent et firent leurs logeis sur ces biaus prés au lonc de la rivière de Dourdonne , et estoit grant plaisance au regarder. Au plus près dou logeis le duc d^\ngo estoit logiés li oonnestablés de France. Si venoient souvent li compaignon , qui désiroient les armes et leurs corps à avanchier , escarmuchier as barrières : si en y avoit souvent des trais , des blechiés et des navrés , ensi comme en teles advenues li fait aviennent.
Au chief de VI jours que li sièges fu mis devant Bergerach , vinrent en l'ost dou duc en grant arroy et bien acompagniés de gens d armes et de brigans , li sires de Labreth et messires Bemars de Labreth , ses cousins. Si v furent receu à grant joie , car li hos en fu grandement reconfortée et renforchie. Au VHP jour dou siège furent li dus d'Ango et les cappitaines de Tost en conseil comment on porroit le plus tost et le plus appertement grever chiaux de Bergerach. Si eut là plusieurs paroles dictes et devisées* , et furent sus un estât longement que de assaillir la ville. Depuis eurent nouvel conseil que li assaus leur pooit trop blecbier de leurs hommes à petit de conquest , et se départi chis consaus , sans avoir nul certain arrest , fors que de tenir le siège ; car encores attendoit-on grant gens d armes qui venoient de France , par espécial le seigneur de Couci.
Vous devès safvoir que messires Thumas de Felleton , qui se tenoit à Bourdiaus et qui sentoit ses ennemis à XII liéwes près de \k et si forts que de poissance il ne pooit résister contre iaux, n'estoit mie bien lies, et toute le saison avoit entendu que li dus d'Ango avoit fait son mandement , pour quoi Testât des François il avoit mandé en Engleterre au roi et à son conseil ; mais chil qui envoyet y avoient
6 SliGB
esté , n'avoient nient esploitié , car li païs d'Engleterre estoit en branle et en différent l'un contre Fautre , et par espécial li dus de Lenclastre n'estoit mie bien en la gr&ce dou cotnmun peuple , pour quoi pluisieurs incidences péril* leuses et hayneuses avinrent puis en Engletorre ; et ne se partirent en ce temps nulles gens d'armes d'Engleterre pour venir en Gascoingne , ne en Bretaigne , de quoi cil qui les frontières tenoient pour le jovène roy, n'en estoient mie plus resjoïs. Et estoit advenu que messires Thumas de Felleton avoit prié le seigneur de Lespare d aller en Engleterre pour mieux enfourmer le roy , ses oncles et le païs des besoingnes de Gascoingne, affin qu'il y pourveissent * de conseil , et estoit li sires de Lespare , à le prière de messire Thumas , partis de Bourdiaus et entrés en mer ; mais il eut une fortune qui le bouta en le mer d'Espaigne. Si fii rencontré de nefs espaignolles à qui il eut la bataille , mais il ne peut obtenir la place pour li , et fii pris et menés prisonniers en Espaigne , et là fu plus de an et demi ; car il estoit toujours aggrevés dou lignage de chiaux de Pumiers. Messires Thumas de Felleton, qui moult vaillant chevaliers estoit , avoit escript et mandet moult espécialement au seigneur de Moucident , au seigneur de Duras , à celui de Rosem , à celui de Lagurant , qui estoient li plus vaillant , li plus haut et li plus poissant de toute Gascoingne , de le partie des Englès , que pour leur honneur et pour Téritage dou roi leur seigneur aider à deffendre et à garder aucunement , il venissent à Bourdiaux à toute leur poissance. Chil chevalier , qui en tous cas se voloient acquiter envers le roi leur seigneur et ses officiers , estoient venus à Bourdiaux , et quant il se furent tous mis ensamble , il se trou-
DE BEBGBRAC. 7
vèrent bien Y^ lances , et se tenoient à Bourdiaux et en Bourdelois dou temps que li das d*Ango estoit à siège devant Bergerach, et eurent avis messires Thumas de Felleton et chil IIII baron gascon , que il chevaucheroient sur les frontières des Franchois et se metteroient en lieu parti , sçavoir se sus leur avantaige il porroient riens proufiter., et se départirent de Bourdiaus par routes plus de IIP lanches, et se misent sus les camps et prisent le chemin de le Riole, et vinrent sus un certain pas et une ville que on appielle Ymet , et là se logièrent. De ceste embusche et de cest afiaire ne sçavoient riens li François , dont il eurent près receu un grant damage.
Ensi se tint li sièges devant Bergerach , et y eut fait ^ pluisieurs escarmuces * et apertises d armes de chiaux de dehors à chiaux de dedens ; mais petit y gaignoient li François, car messires Perducas de Labreth, qui capitaines en estoit , en songnoit tellement que nuls blasmes ne Fen doit reprendre. Or eurent conseil chil de loost pour leur besoingne approchier et pour plus grever leurs anemis , que * il envoyeroient à le Riole querre un grant englen que on appielle une truie, liquels engiens estoit de telle ordonnance que il gettoit pierres de fais , et se pooient bien C hommes d*armes ordonner dedens et en approchant assallir la ville. Si furent ordonné , pour aller querre cel engien , messires Pierres de Bueil , messires Jehans de Vers et messires Bauduins ^ Crenons ^ , li sires de Moncalais et li sires de Quaines, et se partirent de Fost à tout IIP lances de bonnes gens d*estoffe , et passèrent à gué la rivière de Bourdonne , ^t chevaucièrent devers le Riole et flsent tant qu'il y parvinrent. Entre Le Riole et Bergerach , en une place que on
*-• Plenté d'escarmuces. — '-* Gernos.
