CONQUÊTES DE GEOFFROI TÊTE-NOIRE

il ne peut , car il chéi là tous mors. Âinmerigos et si cornpaignon se hastèrent et vinrent à le porte et entrèrent ou guichet ; si trouvèrent mort le portier, et sa femme dallés lui toute effraée , à lequelle il ne fisent aucun mal ; mais U demandèrent où li castelains estoit. Elle respondi que il estoit en Glermont. Li compaignon asségurèrent la femme de sa vie , afiSn que elle leur baillast les clés dou castiel et de la mestre tour. Elle le fist , car en li ni avoit point de deffense , et puis le missent hors et li rendirent toutes ses coses , voire ce que port^ en peut. Si s*en vint à Saint- Flour , une citté à une lieuwe de là. Cil de Saint-Flour furent moult esbahis quant il sceurent que Aloisse estoit englesce , et ossi furent cil dou pays environ.

Assés tost apriès reprist Ainmerigos Marcel le fort chastiel de Vallon et Tembla par eschiellement ; et quant il fu dedens, la cappitaine dormoit en la grosse tour qui n^estoit mies à prendre de force , et par celle tour se pooit tous li castiaulx recouvrer. Âdont s^avisa Ainmerigos d*un soutil tour, car il tenoit le père et le mère dou cappitainne : si les fist venir devant le tour et leur fist samblant que il les feroit là décoler se leur fils ne rendoit la tour. Les * bonnes * gens qui doubtoient le mort, si disent à leur fil qui estoit en la tour , que il presist pité de eulx , et plouroient tout doi moult tenrement. Li escuiers se ratenri grandement , et n euist jamais son père, ne sa mère laissié ^ morir ^. Si rendi tantos le tour , et on les bouta hors dou castiel. Ensi fu Vallon englesce , qui moult greva le païs , car toutes manières de gens qui voloient mal faire, s'i retraioient ou en Calusiel , à deus lieues de Limoges , ou en Carlac ou en Aloise ou en Ventadour ou en pluiseurs autres castiaulx. Et quant

•*■ Deux Tielles. — ^ Décoller.