Vers la rue Coquillière

Le cry et proclamation publicque pour jouer le mystère des Actes des Apostres, en la ville de Paris; faict le jeudi seizième jour de décembre, l'an 1540, par le commandement du Roy nostre Sire, François premier de ce nom, et Monsieur le Prévost de Paris, affin de venir prendre les rooles pour jouer ledict mystère.

«I Le jour dessusdict : environ huict heures du matin, fut faicte l'assemblée, en l'hostel de Flandres, lieu estably pour jouer ledict mystère, assavoir tant des maistres entrepreneurs dudict mystère que gens de justice, plebeyens et aultres gens ayans charge de la conduicte d'icelui ; rhetoriciens et aultres gens de longue robe et de courte.

« Et premièrement marchoyent six trompettes ayant baverollesi à leurs tubes et buccines, armoyez des armes du Roy nostre Sire. Entre lesquelles estoit pour conduicte la trompette ordinaire de la ville : accompaignez du crieur-juré, estably à faire les crys de justice en ladicte ville : tous oien montez selon leur estât.

« Après marchoit ung grand nombre de sergens et archers du Prévost de Paris, vestuz de leurs hocquetons paillez d'argent, aux livrées et armes tant du Roy que dudict Seigneur Prévost, pour donner ordre et conduicte, et empescher l'oppression du peuple, et lesdictz archers bien montez comme au cas est requis.

« Puis après marchoyent ung grand nombre