LA LUNE EN MAL D'ENFANT
ils voyoient quVn de ses yeux commençoit à se fermer, et partant iaisoient tout leur possible par sons bruyans pour la resueiller de son somme et l'empescher de dormir; et par des flambeaux allumez lui redonner la lumière qu'elle commençoit à perdre.
» Quelques-yns d'entr'eux pensoient aussi par ce moyen la retenir dans son globe, autrement elle fust tombée en terre, et le Monde eust perdu vn de ses luminaires. Car ce peuple cjedule estimoit que les sorciers auôient pouuoir de tirer du ciel la Luno, ce qui fit dire à Virgile :
Carmina vel cœlo possunt deducere Lunam.
» Et ces Magiciens là sçachans les temps de ses Eclipses, ils menaçoient alors de faire paroistre leur art et leur pouuoir, en l'arrachant de son globe. Tellement que dès que cette simple populace apperceuoit que la Lune commençoit à deuenir tant soit peu rougeastre, ce peuple di-ie, apprehendoit incontinent de perdre le bénéfice de sa lumière, et partant menoit grand bruit, afin que la Lune n'entendist point le chant de ces charmes là, lesquels autrement l'eussent fait tresbucher en bas. Et c'est la raison aussi que donnent Pline et Propertius pour cette coustume là :
Cantus et è curru Lunam deducere tentant, Et facerent, si non aera repuisa sonent.
» Plutarque en donne vne autre raison, et dit que c'estoit pour haster la Lune de sortir hors de cet endroit ténébreux dans lequel elle estoit enueloppée, afin d'emporter par ce moyen les âmes des bien-heureux qui habitent au dedans d'elle, et qui iettent de grands cris à raison qu'elles se voyent alors priuées de leur félicité accoustumée, et ne sçauroient plus ouyr l'har-
monie des corps célestes, mais sont contraintes de contempler les tourmens et ouyr les lamentations des âmes des damnez, qui. leur sont représentées comme estant gesnées en la région de l'air. Mais d'où que puisse estre venue cette sotte superstition, soit de ce que nous auons déclaré, ou d'ailleurs; il est neantmoins certain que c'estoît vne coustume très ridicule, et qui descouuroit une profonde ignorance en ces anciens siècles là. Sur tout puis qu'elle n'estoit pas receuë par le vulgaire seulement, et par ceux de moindre estime et de sçauoir : mais estôit aussi creuë et embrassée par les plus fameux et les plus sçauans Personnages, tels que ces grands Poètes Stesichorus et Pindare. Et cela mesme non seulement parmi les sots et badins Payens," qui eussent pu estimer cette Planette estre vu de leurs dieux : mais mesmes les premiers Chrestiens en estoient aussi coupables. Ce qui obligea S. Ambroise à réprimander si aigrement ceux de son temps en ces mots : — Quand vosyeuxsonttroublezpar la vapeur duvin, vous croyez que la Lune est troublée par dés charmes (i) — . » Et c'est pourquoy aussi Maximus Euesque de Tours, fit vne homélie à l'encontre, dans laquelle il faisoit voir l'absurdité de cette sotte superstition. le me souuîen que Louys Vines Espagnol nous fait vne histoire encor plus ridicule, dVn certain peuple qui emprisonna vn asne pour auoir beu et àuallé la Lune, dont l'image paroissant en l'eau, lut couuerte d'un nuage pendant que Tasne beuuoit, pour laquelle chose la pauvre beste fut menée deuant le tribunal pour y receuoir sentence selon ses démérites, là où le graue Sénat ayant pris séance pour examiner l'affaire, vn des
(i) (( Tum turbatur carminibus globus Lunœ. quando calicibus turbantur et ocuH. »
7a FIGURE DE LA LUNE
Sénateurs (plus habile peut estre que tous les autres) se leua, et selon son profond jugement ne troua pas conuenable que leur ville perdist sa Lune, mais plutost que cet asne fust ouuert, afin de Ten retirer. Laquelle Sentence ayant esté approuuée de tout le reste de ces grands politiques là, comme le plus subtil moyen pour la décision de l'affaire, fut conformément mise à exécution. Mais si ce conte est vray ou non, ie n'en veux pas disputer. Quoy qu'il en soit il y a assez d'absurdité en cette coustume précédente des anciens pour confirmer la vérité que i'ay à prouuer, et pour faire voir l'insuffisance de l'opinion commune à donner poids ou vraye valeur à quelque chose que ce soit. »
