GENS B1ÀRMES DES ORDONNANCES. f
'29. Item, le Roy ordonne que les capitaines, après la monstre 20 janvier i5i5n. s. laide, pourveu qu'il ne soit question de guerre, pourront donner Congés,
congé à ceulx de leurs charges jusques au nombre de vingt cinq lances fournies pour ung quartier, où il y aura cent lances fournies et à moins moins à la raison, selon le nombre des lances dont la compaignie sera fournye; et si ceulx qui auront congé demeurent plus de temps que ledict congé ne porte, le Roy veult que leur capitaine en face bonne pugnition, et si aucuns autres (\iladicte compaignie partoient et s'en alloient d'icelle sans congé ou licence de leurs capitaines, le Roy veult et entend qu'ilz perdent leurs gaiges et, oultre ce, quilz soient pugnis à la discrétion de leurs capitaines, en manière que les autres y prennent exemple, et si lesditz capitaines veovent selon leur advis qu'il n'y ait affaire, pourront requérir mondict seigneur le connestable leur donner congé pour plus gros nombre de gens, lequel en pourra disposer selon et ainsi qu'il verra et congnoistra que lesdites affaires le requerront, et le rolle de ceulx qui auront eu congé sera apporté par le capitaine à la monstre et baillé aux commissaires et contreroolleur, affin qu'ilz ne perdent leur argent.
30. Item, le Roy veult que chascun capitaine garde ordre en faisant lesdietz congés et aye chascun ung congé à son tour de roolle, sans v préférer les ungs devant les aultres, et entend que équité y soit gardée , sinon que ce soient gens qui ayent maisons et affaires raisonnablement, et non autrement; et s'il ad venoit qu'il y eust quelque homme d'armes qui demandast congé à son capitaine pour se retirer de sa compaignie, au temps qu'il congnoistroit que ladicte compaignie vouldroit marcher et aller en quelque lieu, soit dedans le royaulme ou dehors, et laisser au besoing de faire service au Roy, en ce cas ledit seigneur veult et entend que ledit capitaine donne le congé ausdietz hommes d'armes, et en présence de quelque bonne bende de gens, en luv deffendant qu'il n'ayt jamais à soy mettre des ordonnances dudit seigneur.
31. Item, s'il advenoit que aulcuns desditz gens de guerre se Malade-. trouvassent malades en leurs maisons ou ailleurs, par quov ilz ne peussent pas eidx trouver à la monstre, le Roy veult et ordonne
que le capitaine ou quatre des plus gens de bien de ladicte compaignie certiffieront que celuv qui sera ainsi malade est homme de bien et qu'ilz ont esté deuement certifiez et acertenez de ladicte
6'i RÈGNE DE FRANÇOIS Ier.
3o jamiei i5iô n. s. maladie; et en ce cas ledit commissaire les mettra au roolle de ladicte monstre comme presens; touttesfoys le Roy n'entend pas (lue les excusations se facent, sinon pour une monstre seullement. Discipline. 32. Item, quant ung hornme d'armes sera trouvé mal monté et
nue à deux monstres il luy auroit esté commandé et enjoinct de soy monter, et où il n' auroit obev audict commandement, si Ton trouve qu'il ait bien de quoy et ne tienne que à sa mauvaise voulenté, le Roy veult et ordonne que, en ce cas, il soit cassé et perde ses gaiges du quartier.
33. Item, s'il advenoit que les capitaines prinssent en hayne aucuns hommes d'armes ou archers de leurs compaignies à cause qu'ilz pourraient estre vicieux et mal vivans, et que ce ne soit à l'appétit de quelque rapporteur ou flatteur, ledict capitaine le pourra casser en plaine monstre et non autrement et faire enrooller ung autre en son lieu; et s'il estoit trouvé que ledict capitaine l'eust cassé par haine, malvueillance et contre raison, et ledict cassé en vueille faire poursuyte envers mondict seigneur le connestable ou mesdictz seigneurs les mareschaulx, pour en avoir réparation contre le capitaine, faire le pourra, et se pourra enquérir ledit commissaire des gens d'ordonnance en ladicte compaigoie, en faisant la monstre, s'il y a cause qu'il soit cassé et de quelle extime , vaillance ou condiction il est tenu et extimé en ladicte compagnie, affin d'en tesmoigner, si ledit cassé s'en veult ayder à faire poursuvte contre ledit cappitaine.
34. Item, le Rov veult et ordonne que doresnavant les prevostz des mareschaulx chevaulcheront le pays, eux et leurs lieuxtenans, feront résidence sur leurs compaignies et qu'ilz chevaulcheront de garnison en garnison pour mieulx faire justice, tenir ordre et pollice ausditz gens de guerre et corriger les foulles, oppressions et pilleries que lesdiclz gens de guerre pourroyent faire au peuple, et ne se trouveront point en court, si le Roy, mondict seigneur le connestable ou messeigneurs les prevostz des mareschaulx ne les mandent; et pourront commettre lesditz prevostz de mesdictz seigneurs les mareschaulx en chascune compaignie ung homme de bien, son lieutenant, pour administrer justice. Et s'il en y a aucuns qui aient enfrainct ne transgressé lesdictes ordonnances, qui soient gens qui avent acoustumé de faillir, en ce cas pourront recourir à mondict seigneur le connestable, pour en avoir de ce grâce et pardon.
