DONNÉE PAR FRANÇOIS I" A LA REINE ÉLÉONORE SON ÉPOUSE

DE RENONCER AUX SUCCESSIONS DE SES PERE ET MERE ET DE SON AÏEUL PATERNEL.

( Mémoires de Gran velle , II , 1 5. )

Amboise, 16 octobre i53o.

Françoys, etc. à tous ceux qui ces présentes lettres verront, salut. Comme par les traictez de Madril et de Cambray faietz et passez

1 Hercule II, fils d’Alphónse I", duc de Ferrare et de Modène, avait épousé Renée de France, fille de Louis XII.

entre notre très-chier et très-amé bon frère l’empereur, d’une part, et nous d’aultre, ait esté, entre aultres choses, convenu et accordé que nostre très-chière et très-amée compagne la royne , après la consommation de nostre mariaige, renonceroit et quicteroit les biens, hoiries et successions de l’empereur Maximilian, son ayeul, etdomp Philippes, roi de Castille, son père, et de la royne donna Johanna, sa mère, soit à la vie de sadite mère, soit après son décès et trespas, saulf toutesfois et réservé tant seulement à nostredite compaignc l’eschoite et succession collatéralle , en cas que ledit sieur empereur et nostre bon frère domp Fernande, infant des Espaignes,roi de Honguerie, frère dudit empereur et d’elle, alassent tous deux de vie à trespas (que Dieu ne veuille) sans hoirs de leurs corps, et en deffault de tous deux et de tous leursdits hoirs et descendans d’eulx, et non autrement, et que pour ce faire l’auctoriserions; sçavoir faisons que nous, désirant de tout nostre povoir accomplir, garder et observer le contenu audit traicté de Madril, en ce quy n’est aucunement changé, mué, ne innové par celluy dudit Cambray, avons, de nostre certaine science, et par l’advis de nostre conseil, auctorisé et auctorisons par ces présentes nostredite très-chière et très-amée compaigne la royne, à faire, consentir et accorder lesdictes renonciacions, au prouffit dudit sieur empereur, nostre bon frère, et des siens ; comme aussi l’avons cejourd’hui personnellement auctorisé à ce faire, ès présences des témoings dénommez ès lettres et instrument publicque fait et passé en nostredicte présence par nostredicte compaigne sur ladite renonciation; icelles lettres receues par telz et telz, etc. notaires et secrétaires, auxquelles lettres ces présentes, signées de nostre main et scellées de notre scel , sont par nostre ordonnance attachées soubz notre contre-scel ; lesquelles le'ttres , et le contenu en icelles, nous avons agréables, ratisfions et omologons, et promectons en bonne foy et parolle de roy ne venir ou souffrir venir directement ou indirectement au contraire. Fait à Amboyse, soubz nostre seing et scel, le sezièmejour du moys d’octobre, l’an de grâce mil cinq cens et trente, et de nostre règne, etc.