XII AVERTISSEMENT

vers l'ascension de Tannée 1384; qu'il avoit épousé, en 1 383 ou avant, Blanche de Flammermont, laquelle étoit veuve de lui en 1396*. ^

1^ Le baron Jérôme PICHON

De la Société des Bibliophiles Irançois.

i. Je crois que Georges de la Personne, qui épousa en 1418 Isabelh' de Ruansart, étoit leur fils, car on le voit, en 1423, rendre hommage au château deHesdin de la terre du Fresnoy, qui avoit appartenu à Blanche de Flammermont.

Si eust ledit duc d'Anjou adsfis et délibération avec le roy, avec les seigneurs de son sanc qui estoient à la cour et avec pluseurs sages tant prélas comme autres sur ce qu'il avoit à faire de ce que le pape lui avoit mandé, et fmablement lui fust conseillié qu*il alast à Avignon devers le pape et, selon ceu qu'il trouveroit en lui, si se ordenast; et pour celle cause ala à Avignon. Et après pluseurs traittiés qu'il ot aveques le pape et les cardinaulx, il, en plain consistoire, à huis ou vers, devant grant foison de pueple qui y estoit, il se détermina d'aler oudit voyage et le jura et promist ainsi faire en la présence du pape, des cardinaulx et de tout le pueple qui y estoit présent. Et fut fait le 1" jour de mars 1381 selon l'usage de France*.

Item, icellui premier jour de mars qui fut jour de samedi, fut à Paris une grant esmeute du pueple de

1 . Ou 1382 à l'usage d'Avignon où l'année commençait au 1«^ janvier.

la ville contre aulcuns, par especial contre ceulx qui s'estoient mellés du fait des aides ou temps passé, tant fermiers comme autres et en tuèrent aucuns, et aucunes maisons depecièrent* : prindrent, ravirent et emportè- \ rent biens, effondrèrent vin, et firent pluseurs autres maulx et dommages; et la cause de l'esmeute s^ensuit. Il est vray que après ce que les aides courans en France en la vie du roy Charles derrenierement trespassé furent abatues et mises jus après la mort dudit roy, comme dit est, pour ce que le roy ne se povoit gouverner sans aide de son pueple tant pour le fait de sa guerre comme pour son estât soustenir, par pluseurs fois il fist appeler par devant lui les gens de l'église, nobles et gens de bonnes villes, et leur fist requérir aide convenable pour les frais dessusdis ; lesquelx après pluseurs délibérations lui octroièrent faire aide, par provinces, de certaines sommes de monnoie; et les uns ordenèrent' ceu qu'ils avoient promis en certaines manières et les autres en autres manières. Et toutes voies ne souffisoient point les voies esleues pour lever les sommes qu'ils avoient promises. Si fut adviséparles plus sages que pour avoir aide souffisant, à mains de charge de pueple, estoient les aides communes plus convenables, comme sont impositions et gabelles. Si se accordèrent pluseurs et fut advisé que on mettroit sus l'imposition de 12 d. par livre sur toutes denrées et xx frans sur chascun muy de sel pour gabelle, et que on mettroit ces aides sus, le premier jour de mars dessusdit. Et pour ce furent criées à Paris et ordené qu'elles fussent mises à fuer^ Et ledit

i . Var. abatirent. — 2. Var. aj. de lever. — 3, Mises à prix et adjugées.

premier jour de mars, pour ce que on les voult commencier à lever es halles de Paris, s'esmut le pueple et fist ceu que dessus est dit. En oultre ils alèrent en une maison assise en Grève appellëe la maison de la ville, en laquelle avoit bien ij" mailles de plomb qui avoient esté fais longtemps par devant par l'ordenance de Mess. Hugues Aubriot lors prévost et cappitaine de Paris pour envoïer au connestable de France qui lors estoit, pour une chevauchée qu'il faisoit contre les Anglois, et ilz n'y furent pas envoïez et pour ce furent mis en lad. maison en garde et depost. Lesquelx maillez ceulx de Paris prindrent et alèrent en chastellet et froissèrent et rompirent les huis delaiens, et délivrèrent tous les prisonniers qui estoient dedens pour quelque cas qu'ilz fussent emprisonnez. Et après alèrent en la court de l'évesque de Paris et rompirent toutes les prisons et délivrèrent tous les prisonniers, comme ils avoient fait en chastellet, et ceulx mesmes qui estoient en oubliete. Et pour ce qu'il y en avoit aucuns si malades et en si petit point qu'ilz ne povoient aler, ilz les portèrent en l'église Notre dame de Paris les uns, et les autres en l'ostel-Dieu, et aussi délivrèrent Messire Hugues Aubriot et le firent monter sur un petit cheval* et le menèrent en son hostel et en vouldrent faire leur cappitaine, mais il ne le voult pas. Et se tindrent en leur fureur l'endemain toute jour et lors estoit le Roy au bois de Vincennes et alèrent vers luy ceulx qui porent partir de Paris et aucuns de ses officiers aussi.

Item, la sepmaine ensuivant, Tevesque, l'université

i. Var. un cheval blanc.

de Paris et grant quantité des collèges d'icelle ville furent par devers îe Roy audit bois et lui supplièrent comment il voulsist quitter et pardonner à ceulx de Paris qui avoient fait les choses dessusdites, lequel après requestes et supplications à lui faites par pluseurs fois leur pardonna parmi ce que quarante, telx comme lui sembleroit, seroient exécutés et mis à mort pour la cause dessusdite. Et pour celle cause en furent pluseurs prins et mis en chastellet, mais il n'en y ot que xiii ou xiiii exécutez pour ce que le commun de lad. ville s'esmut de reclief pour ladite exécution.

Si demourèrent les choses en tel estât jusques au xvii® jour dudit mois de mars, que le roy se parti du bois* pour aler à Rouan, pour ce que en lad. ville de Rouan avoit eu une semblable esmeute de pueple d'icelle ville et pour la cause que avoit esté à Paris. Et le samedy xxix* jour dudit mois de mars l'an dessusdit, veille de Pasques flouries, environ disner, entra' le Roy en lad. ville de Rouan. Mais avant ceu qu'il y entrast, ce jour mesmes, entre prime et tierce avoient esté faites les choses qui s'ensuivent. Premièrement six des plus coupables de la commotion faite en lad. ville furent prins et mis en la main du roy et fut le bâtant de la cloche de la ville prins et osté par les gens du roy et porté en son chas tel'. Item furent, par le commandement du roy fait solemnelment , toutes les armeures et harnois de lad. ville et aussi toutes les chaynes portées oudit chastel. Item fut abatue la porte de lad. ville par devers Ste Raterine,

i. De Vincennes — 2. Var. le roy ala devant. — 3. Var. hostel.

nommée la porte de Martein ville, par les gens de lad. ville. Et ces choses accomplies, le Roy, à l'eure dessusdite, entra en lad. ville de Rouan comme dit est par lad. porte abatue et y fut receu à grant joie et en grant révérence, humilité et obéissance.

Et quant le Roy ot demouré par aucuns jours à Rouan, il s'en retourna en France, mais pour ce que ceulx de Paris n'estoient pas encore appaisiez ne en telle obéissance vers le Roy comme ils deussent, il n'ala pas en lad. ville de Paris, jàsoit ce que ceulx d'icelle ville le requerissent à grant instance, mais ala à Compiengne, à Meaux et à Melun.

Et par tout le temps dessusdit estoit ledit duc d'Anjou en Avignon et le duc de Berry en Languedoc, là où il trouvoit petite obéissance des habitants des bonnes villes et aussi par cellui temps dura la riote, guerre et débat entre le comte de Flandres et ceulx de Gand et y ot des batailles entre leurs gens aucune fois pour l'une des parties et l'autre fois pour l'autre, et se retrait le conte à Bruges qui se tenoit de sa partie et aussi faisoient ceulx du pays du Franc. Et en cellui estât demoura jusques au tiers jour de niay 1382 à laquelle journée s'esmurent ceulx de Gand et alèrent vers Bruges là où ledit conte estoit. Et quant ledit conte sceut leur venue, cuidant que tous ceulx de Bruges lui fussent bons et loyaux, fist armer les gens d'armes estans avecques lui et ceulx de lad. ville de Bruges et yssi de la dite ville pour aler combatre contre les dessusdiz de Gand qui avoient cappitaine un appelle Philippe Artevelle. Et quant ledit conte cuida soy combatre aveques ceulx qui estoient issus de Bruges avec lui contre les dessusdis de Gand, une grant partie de