Le Songe véritable (éd. Moranvillé, p

Et quand aucun veuil essaucier

Et en richesse hault haucier,

A ly je l'envoie tout droit,

Et ly demande, soit tort ou droit,

Qui ly donne de sa monnoie

Aussi grant que une monjoye :

Et il s'y fait tresvoulentiers,

Et de ce faire est coustumiers;

Il en est tresbien esprové,

Car maintefîoiz je l'ay trouvé

Envers nioy avoir grant faveur.

Ne veistes vous pas un paveur

De chemin^ que ly envoie,

Qui un seul denier monnoié

En ce monde vaillant n'avoit,

Ains bien souvent grant fain avoit?

Maiz sy tost que fu devers ly.

Devenir le fit sy joly,

Sy riche, puissant, sy grant maistre,

Qu'il sembloit un grant conte estre :

Car de robes et de chevaux,

D'or et d'argent et de joyaux

Ly donnoit il a grant planté.

Et puis ly vint à voulenté

De le chevalier faire faire :

Sy le fit tantost sans retraire,

Puis le maria haultement

A une dame noblement,

Où il prist terres et chasteaux

Bien assis, riches et beaux.

Aussi d'autres que ly envoie.

Me fait il pas maint de tel voye.

Comme Casin etMorinot,

Et Betisac, en Languedoc ;

Anceau, d'Amboyse et puis Guillaume,

Ont de ly vaillant maint heaulme :

Et pour ce à ly je les envoie

Qui leur donne de sa monnoie.