DE ROSE

Ce n'est point la paquerelo, La marguerite, le lis, L'œillet ny la violete, La fleur où mon cœur j'ay mis.

J'aime entre les fleurs la rose.

Car elle porte le nom D'une qui mon ame a close A toute autre affection.

La rose entre les fleurétes Gagne l'honeur et le pris :

Parféte entre les parfétes Est la Rose qui m'a pris.

L'autre rose l'on voit nestre.

Comme fille du printems.

Mais un printems prend son estro De cette Rose en tout tems.

La miene, où qu'elle se place Cent mille fleurs fèt lever.

Et, fust-ce dessus la glace, Fèt un selé de l'yver.

Cette Rose tant émée Comme l'autre ne sera, Qui de matin estimée Au soir se destimera.

Car l'autre rose fanie Pourra perdre sa vigueur :

Tousjours la mienne épanie Florira dedans mon cœur.

Amour de douce rosée Cette Rose arousera Quand ma compagne épousée Re maitresse il la fera.