CHANSON XCIX

Levez ces cueuvrechiefs plus hault Qui trop cueuvrent ces beaulx visages ; De riens ne servent telz umbrages.

Quant il ne fait haie ne chault.

On fait à Beaulté qui tant vault , De la musser tort et oultraiges :

Levez ces cueuvrechiefs plus hault Qui trop cueuvrent ces beaux visages.

Je sçay bien qu'à Dangier n'en chault, Et pense qu'il ait donné gaiges Pour entretenir telz usaiges; Mais l'ordonnance rompre fault, Levez ces cueuvrechiefs plus hault.

Deux ou trois couples d'Ennuys J'ay tousjours en ma maison , Desencombrer ne m'en puis,

Quoy qu'à mon povoir les fuis, Par le conseil de Raison, Deux ou trois couples d'Ennuys.

Je les chasse d'où je suis, Mais en chascune saison , Hz rentrent par ung autre huis, Deux ou trois couples d'Ennuys.

Entre les amoureux fourrez , Non pas entre les decoppez , Suis, car le temps sans refroidy, Et le cueur de moi l'est aussi.

Tel me véez, tel me prenez.

Jeunes gens qui Amours servez, Pour Dieu de moy ne vous mocquez, Il est ainsi que je vous dy.

Entre les amoureux fourrez , Non pas entre les decoppez.

Suis, car le temps sans refroidy.

Car, quant Amours servy aurez Autant que j'ay, vous devendrez Pareillement en mon party.

Et quant vous trouverez ainsy Comme je suis, lors vous serez, Entre les amoureux fourrez.

60 CHARLES d'or LÉ AN S.

CHANSON Cil.

Durant les trêves d'Angleterre Qui ont esté faittes à Tours, Par bon conseil, avec Amours J'ai prins abstinence de guerre ;

S'autre que moy ne la desserre, Content suis que tiengne tousjours, Durant les trêves d'Angleterre Qui ont esté faittes à Tours.

Il n'est pas bon de trop enquerre Ne s'empeschier es faiz des cours ; S'on m'assault, pour avoir secours; Vers Nonchaloir iray grant erre, Durant les trêves d'Angleterre.

CHANSON cm.

La veez vous là, la lyme sourde, Qui pense plus qu'elle ne dit, Souventeffoiz s'esbat et rit A planter une gente bourde.

Contrefaisant la coquelourde, Soubz un malicieux abit, La veez vous là, la lyme sourde, Qui pense plus qu'elle ne dit.

Quelle part que malice sourde, Tost congnoist s'il y a prouffit.

Benoist en soit le saint Esprit Qui de si finete me hourde; La veez vous là, la lyme sourde.