CHANSON CVI

Sauves toutes bonnes raisons, Mieulx vault mentir pour paix avoii Qu'estre batu pour dire voir ; Pource, mon cueur, ainsi faisons.

Riens ne perdons, se nous taisons, Et se jouons au plus savoir, Sauves toutes bonnes raisons, Mieulx vault mentir pour paix avoir.

Parler boute feu en maisons Et destruit paix, ce riche avoir.

On aprent à taire et à veoir, Selon les temps et les saisons, Sauves toutes bonnes raisons.