CHANSON CXV

A tout bon compte revenir Convendra, qui qu'en rie ou pleure; Et ne scet on le jour, ne l'eure; Souvent en devroit souvenir.

Prenez qu'on ait dueil ou plaisir.

En brief temps, ou longue demeure, A tout bon compte revenir Convendra, qui qu'en rie ou pleure.

Las ! on ne pense qu'à siiyr Le monde qui toujours labeure , Et quant on cuide qu'il sequeure, Au plus grant besoing vient faillir, A tout bon compte revenir.