RONDEAU CXXXVII

Ne fais je bien ma besoingne?

Quant mon fait cuide avancer, Je suis à recommancer, Et ne sçay comment m'esloingne.

Fortune tousjours me groingne, Et ne t'ait riens que tanser; Ne fais je bien ma besoingne, Quant mon fait cuide avancer?

Certes tant je la ressoingne !

Car mon temps fait despenser Trop, en ennuyeux penser, Dont en roingeant mon frain, froingne.

Ne fais je bien ma besoingne ?