RONDEAU CLXXXIII
A Daniel.
Vous dittes que j'en ayme deux, Mais vous parlez contre Raison, Je n'ayme fors ung chapperon, Et ung couvrechief plus n'en veulx.
C'est assez pour ung amoureux ; Mal me louez, ce faittes mon, Vous dittes que j'en ayme deux, Mais vous parlez contre Raison.
Certes je ne suis pas de ceulx Qui par tout veulent à toison Eulx tournir, en toute saison ; N'en parlez plus, j'en suis honteux Vous dittes que j'en ayme deux.
l88 CHARLES d'oRLÉANS.
d'Olivier de La Marche.
Pour amours des dames de France, Je suis entre' en l'observance Du tresrenommé saint François, Pour cuider trouver utie fois La doulce voye d'Alegance.
Saint suis de corde de Souffrance, Soubj haire d'Ais^re Desirance, Plus qu'en mon Dieu ne me congnois.
Pour amours des dames de France, Je suis entré en l'observance.
Soubrement vis de ma Plaisance, Et june ce que Désir pense, Mandiant par tout où je vois, Je veille à conter, par mes dois.
Les maulx que m'a fait Espérance, Pour amours des dames de France.
Par Vaillant.
Des amoureux de l'observance, Je suis le plus subgiet de France, Car je sers d'estre mandien Et cherche le cotidien ; Mais nul en mon sac rien ne lance.
« Aux frères l'aumosne, pour Dieu, »
Tousjours vois criant d'uys en huis, Las! Charité ne trouve en lieu.
Ne Pitié ne scet qui je suis.
Retourner m'en fault sans pitance , Désir, le Pourvéeur, me tance.
Puis le beau père Gardien; Pis suis que Boesme, n'Yndien; L'ordre vueil laisser sans doubtance.
Des amoureux de l'observance.
Par Georges.
Les serviteurs submis à l'observance, Quoj' que souvent, il leur tourne à grevance, De 7ion avoir leur plaisir à toute heure, Toute fois. Dieu, soub:; qui rien ne demeure, A tel:; serrans ne fist onc decevance.
Mains il convient, par contrainte eslevance, Qii'Onneur, Fortune, ou Amour les avance En quelque endroit, et au besoing seqeure Les serviteurs submis à l'observance, Qiioy que souvent, il leur tourne à grevance De non avoir leur plaisir à toute heure.
De long souffrir en pénible estrivance Naist aux souffrans, haulte et riche chevance Finablement, qui les paye et honneure ; Après l'aigret trouve on la doulce meure Qiii radoulcist, en leur propre savance, Les serviteurs submis à l'observance.
igO CHARLES D ORLEANS.
