RONDEAU CLXXXVII

Celle que je ne sçay nommer Com à mon gré desireroye, Ce jour de l'an, de biens et joye Plaise à Dieu de vous estrener.

S'amie vous vueil appeller, Trop simple nom vous bailleroye.

Celle que je ne sçay nommer

Com à mon gré desireroye.

De ma Dame nom vous donner, Orguilleuse je vous feroye :

Maistresse point ne vous vouldroye ; Comment donc doy je à vous parler, Celle que je ne sçay nommer?