RONDEAU CCLXIV

En arrierefief soubz mes yeulx, Amours, qui vous ont fait hommaige, Je tiens de mon cueur l'eritaige; A vous sommes et serons ticul.K,

Voz vraiz subgietz, voire des vieulx, Soit nostre prouffit, ou dommaige, En arrierefief soubz mes yeulx, Amours, qui vous ont fait hommaige.

J'appelle Déesses et Dieux Sur ce, vers vous, en tesmoingnaige, Se voulez, j'en tendray ostaige, (Vous puis je dire, ou faire mieulx?) En arrierefief soubz mes yeuîx.

248 CHARLES d'oRLÉANS.

J'en baille le dénombrement Que je tiens soubz vous loyaument, Loyal Désir et Bon Vouloir;

Mais j'ay trop engagé Povoir, Se je n'en ay relievement.

Je vous ay servi longuement, En y despendant largement Des biens que j'ay peu recevoir.

J'en baille le dénombrement Que je tiens soubz vous loyaument, Loyal Désir et Bon Vouloir.

Vieillesse m'assault Tellement, Et me veult à destruisement Mener, mais, veu qu'ay fait devoir, Que m'aiderez j'ay ferme espoir.

A mes droiz voyez les Comment, J'en baille le dénombrement.

RONDEAU CCLXVL

Je suis à cela Que Merencolie Me gouvernera.

Qui m'en gardera?

Je suis à cela.

Puisqu'ainsi me va, Je croy qu'à ma vie Autre ne sera, Je suis à cela.