CHANSON XXXIV

Çà, venez avant, Espérance, Or y perra que respondrez Et comment vous vous deffendrez ; On se plaint de vous à oultrance.

L'un dit que promectez de loing, Et qu'en estes bonne maistresse, L'aultre que faillez au besoing, En ne tenant gueres promesse.

Quoy que tardez, c'est la fiance Qu'aux faiz de chascun entendez Et au derrain guerdon rendrez; Dy je bien, ou se trop m'avance?

Çà, venez avant. Espérance.