CHANSON LIV

Malade de mal ennuieux ,

Faisant la peneuse sepmaine, Vous envoyé, ma souveraine , Un souspir merencolieux.

Par lui saurez, mon bien joyeux, Comment desplaisir me demaine.

Malade de mal ennuieux.

Faisant la peneuse sepmaine.

Car aler ne pevent mes yeulx

CHARLES d'orLÉANS. II. 3

Vers la beauté dont estes plaine, Mais au fort, ma joye mondaine, J'endureray pour avoir mieuix, Malade de mal ennuieux.

Tousjours dictes : Attendez, attendez; Pas ne payez vos reconfors contens , Joyeulx Espoir, dont maints sont malcontens, Qui ne scevent comment vous l'entendez.

De Fortune, pour Dieu, l'arc destendez; Ne souffrez plus qu'elle face contens.

Tousjours dictes : Attendez, attendez.

Pas ne payez vos reconfors contens.

Vostre grâce tost sur moy estandez.

Vous congnoissez assez à quoy contens ; Plus ne perdray un tel trésor com temps Ainsi que fait qui son eur met en dez ; Tousjours dictes : Attendez, attendez.