CHANSON LXIV

Vostre bouche dit : Baisiez moy, Se m'est avis quant la regarde ; Mais Dangier de trop près la garde, Dont mainte doleur je reçoy.

Laissez m'avoir, par vostre foy,

Un doulx baisier, sans que plus tarde, Vostre bouche dit : Baisiez moy, Se m'est avis quant la regarde.

Dangier me heit, ne sçay pourquoy, Et tousjours Destourbier me darde ; Je prie à Dieu que mal feu Tarde !

Il fust temps qu'il se tenist coy, Vostre bouche dit : Baisiez moy.