CHANSON LXVII

Je me metz en vostre mercy, Tresbelle, bonne, jeune et gente , On m'a dit qu'estes mal contente De moy, ne sçay s'il est ainsi.

De toute nuit je n'ay dormy, Ne pensez pas que je vous mente ; Je me metz en vostre mercy, Tresbelle, bonne, jeune et gente.

Pource, treshumblement vous pry Que vous me dittes vostre entente; Car d'une chose je me vante Qu'en loyauté n'ay point failly ; Je me metz en vostre mercy.