CHANSON LXXIII

Logiez moy entre voz bras, Et m'envoyez doulx baisier Qui me viengne festier D'aucun amoureux soûlas.

Tant dis que Dangier est las Et le voyez sommeillier,

44 CHARLES d'oRLÉANS.

Logiez moy entre voz bras Et m'envoyez doulx baisier.

Pour Dieu, ne l'esveillez pas Ce faulx, envieux Dangier; Jamais ne puist s'esveillier !

Faittes tos.t et parlez bas, Logiez moy entre voz bras.