CHANSON LXXIX

Reprenez ce larron souspir Qui s'est emblé soudainement, Sanscongié ou commandement, Hors de la prison de Désir.

Mesdisans l'ont ouy partir, Dont ilz tiennent leur parlement ; Reprenez ce larron souspir Qui s'est emblé soudainement.

Se le meschant eust sçeu saillir Sans noyse, tout privéement , N'en peut chaloir; mais sotement L'a fait; pource, l'en fault pugnir, Reprenez ce larron souspir.