RONDEAU XCVIII

Quant je Toy ce que ne vueil mie.

Et n'ay ce dont suis désirant, Pensan[ ce qui m'est desplaisant, Est ce merveille s'il ni'ennuye?

Nennil, force estque me soussie De mon cueur qui est languissant.

Quant je voy ce que ne vueil mie.

Et n'ay ce dont suis désirant.

En douleur et merencolie Suis, nuit et jour, estudiant ; Lors je me boule trop avant En une haulie théologie, Quant je voy ce que ne vueil mîe.

Ainsi que chassoye aux sangliers.

Mon cueur chassoit après Dangiers En la forest de ma Pensée, Dont rencontra grant assemblée Trespassans par divers sentiers.

Deux ou trois saillirent premiers, Comme fors, orgueilleux et fiers ; N'estoii ce pas chose effrayée ?

Ainsi que chassoye aux sangliers, Mon cueur chassoit après Dangiers En la forest de ma Pensée,

Lors mon cueur lascha sus lévriers.

Lesquels sont nommés Desiriers ; Puis Espérance l'asseurée, L'espieu ou poing, sainie l'espée.

Vint pour combattre voulentiers, Ainsi que chassoye aux sangliers

Sot eueil, reporteur de nouvelle»

Où vas tu {et ne scèspourquoy, Ne sans prandre congié de moy) En la compaignie des belles ?

Tu es trop tost acointé d'elles ; Il te vaulsist mieulx tenir quoy, Sot eueil, raporteur de nouvelles, Où vas tu? et ne scès pourquoy!

ne «hanges manières telles.

i34 CHARLES d'Orléans.

Par Raison, ainsi que je doy, Chasticr te vueil, sur ma foy ; Contre toy j'ay assez querelles.

Sot eueil, raporteur de nouvelles.

Mort de moy ! vous y jouez vous ?

— En quoy ? — Es faiz de tromperie.

— Ce n'est que coustume jolie Dont ung peu ont toutes et tous !

— Renverser s'en dessuz dessoubz, Est ce bien fait ? je vous en prie ? Mort de moy 1 vous y jouez vous ?

— En quoy ? — Es faiz de tromperie.

— Laissez moy taster vostre pouls.

Vous tient point celle maladie?

— Parlez bas, qu'on ne Toye mie, Il semble que criez aux loups :

Mort de moy ! vous y joue^ vous ?