RONDEAU CCLXXXV

N'oubliez pas vostre manière !

Non ferez vous, je m'en fais fort, Ennuy, armé de Desconfort, Qui tousjours me tenez frontière.

Venez combatre à la barrière, Et faittes acoup vostre effort.

N'oubliez pas vostre manière!

Non ferez vous, je m'en fais fort.

Quant mettez sus vostre bannière, Cueurs loyaux guerriez si fort Que les feittes retraire ou fort De Douleurs, à piteuse chiere.

N'oubliez pas vostre manière!