CHANSON XCII

Dieu vous conduie, Doulx Penser, Et vous doint faire bon voyage , Rapportez test joyeux messaige Vers le cueur pour le conforter.

Ne vueillez gueres demourer, Exploittez comme bon et saige.

Dieu vous conduie, Doulx Penser, Et vous doint faire bon voyage.

Riens ne vous convient ordonner, Les secrez savez du couraige , Besongnez à son avantaige Et pensez de brief retourner.

Dieu vous conduie, Doulx Penser.

CHANSON XCIIl.

Puis que par deçà demeurons , Nous Saulongnois et Beausserons , En la maison de Savonnieres ,

Sotihaidez nous des bonnes chieres Des Bourbounois et Bourguignons.

Aux lîhamps, par hayes et buissons Perdrix et lyevres nous prendrons, Et yrons pescher sur rivières , Puis que par deçà demeurons, NousSauiongnois et Bcausserons, En la maison de Savonnieres.

Vivres, tabliers, cartes aurons Oii souvent nous estudîrons Vins, mangers de plusieurs manières Gâterons , sans faire prières , Et de dormir ne nous faindrons.

Puis que par deçà Jemourons.