SONGE EN COMPLAINTE

Apres le jour qui est fait pour traveil, Ensuit la nuit pour repos ordonnée ; Pour ce, m'avint que chargié de sommeil Je me trouvay moult fort une vesprée, Pour la peine que j'avoye portée

POlteiBS DE CHARLES U'ORLÉANS. 81

Le jour devant, si fis mon appareil De me couchier, sitost que le souleii Je vy retrait, et sa clarté mussée.

Quant couchié fu, de legier m'endormy; Et en dormant, ainsi que je songoye, Advis me fu que, devant moy, je vy Ung vieil homme que point ne congnoissoye , Et non pourtant autreffoiz veu Tavoye , Ce me sembla si me trouvay marry Que j'avoye son nom mis en oubly.

Et, pour honte, parler à lui n'osoye.

Ung peu se teut, et puis m'araisonna, Disant : Amy, n'avez vous de moy cure?

Je suis Aage qui lectres apporta A Enfance, de par Dame Nature , Quant lui chargeay que plus la nourriture N'auroit de vous, alors vous délivra A Jeunesse, qui gouverné vous a Moult longuement, sans raison et mesure.

Or est ainsi, que Raison qui sur tous Doit gouverner, a fait très grant complainte A Nature, de Jeunesse et de vous, Disant qu'avez tous deux fait faulte mainte , Avisez vous, ce n'est pas chose fainte ; Car Vieillesse , la mère de courrons, Qui tout abat et amaine au dessoubz, Vous donnera dedens brief une atainte.

Au derrenier, ne la povez fuir ;

Si vous vault mieulx, tandis qu'avez jeunesse,

A vostre honneur de folie partir,

Vous esloiognant de l'amoureuse adresse;

Car, en discort, sont Amours et Vieillesse,

Nul ne les peut à leur gré bien servir :

Amour vous doit pour excusé tenir,

Puisque la Mort a prins vostre maistresse.

Et tout ainsi, qu'assez est avenant A jeunes gens, en Tamoureuse voye De temps passer, c'est aussi mal séant.

Quant en amours ung vieil homme folloye :

Chascun s'en rit, disant : Dieu qu'elle joye ' Ce foui vieillart veult devenir enfant ; ' Jeunes et vieulx du doy le vont monstrant, Mocquerie par tous lieux le convoyé.

A vostre honneur povez Amours laisser En jeune temps, comme par nonchalance; Lors ne pourra nul de vous raconter, Que l'ayez fait par faulte de puissance; Et dira l'en que c'est par desplaisance Que ne voulez en autre lieu amer, Puisqu'est morte vostre Dame sans per, Dont loyaument gardez la souvenance,

Au Dieu d'amours, requérez humblement Qu'il lui plaise de reprandre l'ommaige Que lui feistes, par son commandement, Vous rebaillant vostre cueur qu'a en gaige ; Merciez le des biens qu'en son servaige Avez receuz, lors gracieusement Départirez de son gouvernement, A grant honneur comme loyal et saige.

Puis requérez à tous les amoureux Que chascun d'eulx tout ouvertement die, Se vous avez riens failly envers eulx.

Tant que suivy avez leur compaignie, Et que par eulx soit la faulte punie ; Leur requérant pardon de cueur piteux, Car de servir estiez désireux Amours, et tous ceulx de sa seigneurie.

Ainsi pourrez départir du povoir

Du Dieu d'amours, sans avoir charge aucune ;

C'est mon conseil, faictes vostre vouloir.

Mais gardez vous que ne croiez Fortune Qui de flater est à chascun commune ; Car tousjours dit qu'on doit avoir espoir De mieulx avoir, mais c'est pour décevoir.

Je ne congnois plus faulse soubz la lune.

Je scay trop bien, s'escouter la voulez, Et son conseil plus que le mien eslire, Elle dira que, s'amours délaissiez, Vous ne povez mieulx vostre cueur destruire ; Car vous n'aurez lors à quoy vous déduire, Et tout plaisir à nonchaloir mectrez ; Ainsi, le temps en grant ennuy perdrez, Qui pis vauldra que l'amoureux martire.

Et puis après, pour vous donner confort.

Vous promectra que recevrez amande De tous les maulx qu'avez souflfers à tort , Et que c'est droit qu'aucun guerdon vous rende ; Mais il n'est nul qui à elle s'atende,.

Qui tost ou tard ne soit, je m'en fais fort, Deceu d'elle, à vous je m'en raport; Si pry à Dieu que d'elle vous deffende.

En tressaillant, sur ce point m'esveillay.

Tremblant ainsi que sur l'arbre la fueille.

Disant : Helas ! oncques mais ne songay Chose dont tant mon povre cueur se dueiile; Car, s'il est vray que Nature me vueille Abandonner^ je ne scay que feray ; A Vieillesse tenir pié ne pourray.

Mais eonvendra que tout onnuy m'acueille.

Et non pourtant le vieil homme qu'ay veu En mon dormant, lequel Aage s'appelle.

Si m'a dit vray ; car j'ay bien aperceu Que Vieillesse veult emprandre querelle Encontre moy, ce m'est dure nouvelle ; Et ja soit ce qu'à présent suy pourveu

De jeunesse," sans me trouver recreu,

Ce n'est que sens de me pourveoir œntre elle.

A celle fin que quant vendra vers moy, Je ne soye despourveu comme nice ; C'est pour le mieulx, s'avant je me pourvoy ; Et trouveray Vieillesse plus propice, Quant cognoistra qu'ay laissé tout office Pour la servir; alors, en bonne foy Recommandé m'aurra, comme je croy, Et moins soussy auray en son service.

Si suis content, sans changier désormais, Et pour tousjours entièrement propose De renoncer à tous amoureux fais ; Car il est temps que mon cueur se repose ; Mes yeulx cligniez et mon oreille close Teridray, afin que n'y entre jamais, Par Plaisance, les amoureux alrais; Tant les congnois qu'en eulx fier ne m'ose.

Qui bien se veult garder d'amoureux tours,

Quant en repos sent que son cueur sommeille,

Garde ses yeulx emprisonnez tousjours ;

S'ils eschapent, ils crient en l'oreille

Du cueur qui dort, tant qu'il fault qu'il s'esveille ,

Et ne cessent de lui parler d'Amours,

Disans qu'ilz ont souvent hanté ses cours,

Où ilz ont veu plaisance nompareille.

Je scay par cueur ce mestier bien à plain, Et m'a longtemps esté si agréable Qu'il me sembloit qu'il n'estoit bien mondain , Fors en amours, ne riens si honnorable ; Je trouvoye, par maint conte notable, Comment Amour, par son povoir haultain, A avancié comme Roy souverain, Ses serviteurs en estât prouffîtable.

POESIES DE CHARLES b'OHLÉAXS. 85

Mais en ce temps, ne congnoissoye pas La grant douleur qu'il convient que soustiengne Ung povre cueur, pris es amoureuxlas ; Depuis Tay sceu, bien scay à quoy m'entiengne, J'ay grant cause que tousjours m'en souviengne ; Or en suis hors, mon cueur en est tout las, Il ne veult plus d'Amours passer le pas, Pour bien ou mal que jamais lui adviengne.

Pour ce tantost, sans plus prendre respit, Escrire vueil, en forme de requeste.

Tout mon estât, comme devant est dit ; Et quant j'auray fait ma cedule preste, Porter la vueil à la première feste Qu'Amours tendra, lui monstrant par escript Les maulx qu'ay euz, et le peu de prouffit, En poursuivant l'amoureuse conqueste.

Ainsi d'Amours, devant tous les amans, Prendray congié en honneste manière.

En estouppant la bouche aux mesdisans Qui ont langue pour mesdire legiere ; Et requerray, par très humble prière. Qu'il me quicte de tous les convenans Que je lui fis, quant l'ung de ses servans Devins pieca de voulenté entière.

Et reprendray hors de ses mains mon cueur,

Que j'engagay par obligacion,

Pour plus seurté d'estre son serviteur,

Sans faintise, ou excusacion ;

Et puis, après recommandacion,

Je delairay, à mon très grant honneur,

A jeunes gens qui sont en leur verdeur ;

Tous fais d'Amours par resignacion.

80 POésIBS DB CHARLB8 D'ORLÉANS.

LA REQUESTE AUX BXCBLLBNS, BT POISSANS BN N0BLB8SÊ,

DIEU CupiDO ET Venus la dbbssb.

Supplie présentement ,

Humblement, Charles le duc d'Orléans Qui a esté longuement,

Ligement L'un de voz obeissans, Et entre les vraiz amans,

Voz servans, A despendu largement Le temps de ses jeunes ans

Ires plaisans, A vous servir loyaument.

Qu'il vous plaise regarder,

Et passer Geste requeste présente.

Sans la vouloir refuser ;

Mais penser Que d'umble vueil la présente A vous, par loyalle entente,

En actente De vostre grâce trouver, Car sa fortune dolente

Le tourmente, Et le contraint de parler.

Comme ainsi soit que la Mort ,

A grant tort, En droicte fleur de jeunesse Lui ait osté son déport,

Son ressort, Sa seule Dame et liesse, Dont a fait veu et promesse,

Par destresse,

Desespoir et desconfort, Que jamais n'aura Princesse,

Ne maistresse, Car son cueur en est d'accord.

Et pour ce que, ja pieca ,

Vous jura De vous loyaument servir, Et en gaige vous laissa.

Et donna Son cueur, par loyal désir ; [1 vient pour vous requérir

Que tenir Le vueilliez, tant qu'il vivra, Excusé; car sans faillir,

Pour mourir, Plus amoureux ne sera.

Et lui vueilliez doulcement,

Franchement, Rebaillier son povre cueur, En lui quictantson serement,

Tellement Qu'il se parte, à son honneur.

De vous, car bon serviteur.

Sans couleur.

Vous a esté vrayement ; Monstrez lui quelque faveur,

En doulceur, Au moins à son parlement.

A Bonnefoy que tenez,

Et nommez Vostre principal notaire, Estroictement ordonnez,

Et mandez, Sur peine de vous desplaire, Qu'il vueille, sans delay traire,

Lectre faire.

**^ POlâsiES DB CHARLES n'ORL^ANA.

En laquelle affermerez Que congié de soy retraire,

Sans forfaire, Audit cueur donné avez.

Afin que le suppliant ,

Cy devant Nommé, la puisse garder, Pour sa descharge et garant,

En monstrant Que nul ne le doit blasmer, S' Amours a voulu laisser;

Car d'amer N'eut oncques puis son talant Que Mort lui voulut oster

La nomper Qui fust ou monde vivant.

Et s'il vous plaist faire ainsi

Que je dy, Ledit suppliant sera Allegié de son soussy ;

Et ennuy D'avec son cueur bannira ; Et après, tant que vivra,

Priera Pour vous, sans mectre en oubly La grâce qu'il recevra,

Et aura.

Par vostre bonne mercy.

LA DESPARTIB D'aMOURS EN BALADES.

Quant vint à la prochaine feste, Qu'Amour tenoit son Parlement, Je lui presentay ma requeste Laquelle leut très doulcement, Et puis me dist : Je suis dolent

POÉSIKS DE CHARLES d'okI.ÉANS. 81»

Du mal qui vous est advenu; Mais il n'a nul recouvrement.

Quant la Mort a son cop féru.

Eslongnez hors de vostre teste Vostre doloreux pen sèment, Monstrez vous homme, non pas beste, Faictes que, sans empeschement, Ait en vous le gouvernement Raison, qui souvent a pourveu En maint meschief, très saigement, Quant la Mort a son cop féru.

Reprenez nouvelle conqueste, Je vous aideray tellement Que vous trouverez Dame preste De vous amer très loyaument, Qui de biens aura largement ; D'elle serez amy tenu ; Je n'y voy autre amendement, Quant la Mort a son cop feni.

BALADE

Helas î sire, pardonnez moi ,

Se dis je, car, toute ma vie,

Je vous asseure par ma foy,

Jamais n'auray Dame, n'amie ;

Plaisance s'est de moy partie,

Qui m'a de liesse forclos,

N'en parlez plus, je vous supplie,

Je suis bien loing de ce propos.

• Quant ces parolles de vous oy.

Vous m'essayez, ne faictes mye;

A vous dire vray, je le croy.

Ou ce n'est dit qu'en mocquerie ;

Ce me seroit trop grant folie.

Quant demourer puis en repos,

90 POl^BS DB CHARLB8 D'ORLÉANS.

De reprendre merencolie,

Je suis bien loing de ce propos.

Acquictié me suis, œmme doy, Vers vous et vostre seigneurie, Désormais me vueil tenir coy ; Pour ce, de vostre courtoisie, Accordez moi, je vous en prie, Ma requeste, car à briefz mos, De plus amer, quoique nul die , Je suis bien loing de ce propos.

BALADE

Amour congnu bien que j'estoye En ce propos, sans changement, Pour ce respondy : Je vouldroye Que voulsissiez faire autrement, Et me servir plus longuement, Mais je voy bien que ne voulez, Si vous accorde franchement La requeste que faicte avez.

Escondire ne vous pourroye, Car servy m'avez loyaument, N'oncques ne vous trouvay en voye.

N'en voulenté aucunement De rompre le loyal serement Que me feistes, comme savez ; Ainsi le compte largement La requeste que faicte avez.

Et afin que tout chascun voye Que de vous je suis très content, Une quictance vous octroyé, * Passée par mon Parlement, Qui relaissera plainement L'ommaige que vous me devez, Comme contient ouvertement La requeste que faicte avez.

POlÊsiBS DE CHARLES D'ORL^ANS. 91

BALADE

Taatost Amour, en grant array, Fist assembler son Parlement ; En plain conseil mon fait comptay, Par œngié et commandement ; Là fust passée plainement La quictance que demandoye , Baillée me fut franchement, Pour en faire ce que vouldroye.

Oultre plus, mon cueur demanday, Qu'Amour avoit eu longuement.

Car en gaige le lui baillay, Quant je me mis premièrement En son service ligement ; Il me dist que je le rauroye, Sans refuser aucunement.

Pour en faire ce que vouldroye.

A deux genoilz m'agenoillay, Merciant Amour humblement Qui tira mon cueur, sans delay, Hors d'un escrin priveement.

Le me baillant courtoisement, Lyé en ung noir drap de soye ; En mon sain le mist doulcement.

Pour en faire ce que vouldroye.