CAROLE EN LATIN
Laudes Deo sint, atque gloria, Hoc tempore, pre cordis gaudio, Ëxultemus cum Del Filio , Misse nobis a patris gracia.
Tune prophète vere predixerant Nasciturum de pura virgine, Ut salvaret hos qui perirant, Pro parentum dampnati crimine.
Tune natus est ex stirpe Regia, Flos ascendens de Jesse gremio ; II li honor et benedictio
POI&SIBS DB CHARLKS d'oRLSANS. 2ft7
Qui nos replet tanta letieia.
Laudes, etc.
Sic induit se carne hominis, Ut per carnem, camem redimeret, Sic amorem deraonstrans servulis, Quos creavit ne ipsos perderet.
miranda Régis clemencia !
Qui non parcens corpori proprio, Se obtuiit diro supplicio, Nostia sanans cruore vicia.
Laudes, etc.
RONDEL
A trompeur, trompeur et demy ; Tel qu'on semé convient cuillir; Se mestier voy partout courir, Chascun y joue, et moy aussi.
Dy je bien de ce que je dy ?
De tel pain souppe fault servir.
A trompeur, etc.
Tel qu'on semé, etc.
Et qui n'a pas langaige en lui, Pour parler selon son désir, Ung truchement lui fault quérir Ainsi» ou par là, ou par cy.
A trompeur, etc.
RONDEL
Baillez lui la massue, A cellui qui cuide estrc Plus subtil que son maistre, Et sans raison Targue ; Ou il sera beste mue, Quant on Tenvoyera pestre.
Baillez, etc.
A cellui, etc.
Quoy qu'il regibe, ou rue,
Sr sault par la fenestre , Comme s'il vint de nestre, Sera chose esperdue.
Baillez, etc.
RONDEL
Vhi swprtty N'en parlons plus Des tours cornu Iz, Et cetera ; Non est cura^ De telz abus.
Ubiy etc.
N'en, etc.
Malajura Sont suspendus, Ou deffendus, Et reliqua.
Lbi, etc.
RONDEL
11 vit en bonne espérance, Puisqu'il est vestu de gris, Qu'il aura, à son advis, Encore sa desirance ; Combien qu'il soit hors de France Par deçà le mont Senis, 11 vit, etc.
Puisqu'il, etc.
Perdu a sa contenance, Et tous ses jeux et ses ris, Gaigner lui fault Paradis, Par force de pacianco.
Il vit, etc.
RONDEL
Noli me tangerv,
poisiBS nE CHARLRS d'orliâans. 269
Faulte de serviteurs, Car bonté de seigneurs Ne les scet frangere.
Il vous fault regere £n craintes et rigueurs.
Noli me, etc.
Faulte de, etc.
De hault erigere Trop tost en grans faveurs.
Ce ne sont que foleur»
Bien m'en puis plangere.
Noli me, etc.
RONDEL
(Orléans à Maistre Estienne le Goût. )
Maistre Estienne le Goût nominatif, Nouvellement, par manière optative, Si a voulu faire copulative ; Mais failli a en son cas génitif.
Il avait mis six ducatz en datif , Pour mieulx avoir s'amie vocative.
Maistre, etc.
Nouvellement, etc.
Quant rencontré a un accusatif,
Qui sa robbe lui a fait ablativc;
De fenestre assez superlative,
A fait ung sault portant coups en passif.
Maistre, etc.
RONDEL
(Responce de Maistre Estienne le Goût.}
Monseigneur très supellatif.
Pour respondre au narratif De vostre briefve expositive ; Elle fut premier vocative, Par le moyen du génitif.
Les six ducatz sont nombratif,
270 PO^SIBS OB CHAHLCS D'ORliANS.
Mais quant au fait du possessif, La chose est ung peu neutrative.
Monseigneur, etc.
Pour respondre, etc.
Et quant au dangier du passif, J'ay saufconduit prerogatif.
Par quoy mectray paine soubtive D'accorder, sus la négative, L'adjectif et le substantif.
Monseigneur, etc.
RONDEL
Près là, bnquet aux pendantes oreilles, Tu sces que c'est de déduit de gibier, Au derrunier tu auras ton loyer, Et puis seras viande pour corneilles.
Tu ne fais pas miracles, mais merveilles , Et as aide pour te bien enseigner.
Près là, briquet, etc.
Tu sces, etc.
A toute heure diligemment traveilles, Et en chasse vaulx autant qu'un limier.
Tu amaines au tiltre de lévrier Toutes bestes, et noires, et vermeilles.
Près là briquet, etc.
RONDEL
Or s'y joue qui vouldra ; Qui me change, je le change ; Nul ne le tiengne chose estrange, D'avoir selon qu'il fera; Quant par sa faulte fera, Gré ne dessert, ne louange.
Or s'y joue, etc.
Qui me, etc.
Puisque ad visé on l'en a, Et à raison ne se range,
poésies hb charlbs o'o«LéANs. 271
S'apres s'elle se revange, Le tort à qui demourra?
Or s'y joue, etc.
RONDEL
(Orléans à ÂlencoB.)
En la vigne jusqu'au peschier Estes bouté, mon filz très chier, Dont, par ma foy, suis très joyeulx, Quant de rimer vous voy songneux, Et vous en voulez empeschier ?
Soit au lever, ou au couchier, Ou quant vous devez chevauchier, Esbatez vous pour le mieulx.
• En la vigne, etc.
Estes bouté, etc.
Se Desplaisir vous vient serchier, Pour de lui tost vous despeschier, Sans estre merencolieux, Grant bien vous fera, se m'aid Dieux, Passez y temps sans plus preschier.
En la vigne, etc.
RONDEL
(Responce d'Âlencon.)
Le vigneron fut atrapé, Quant il fut trouvé en la vigne , Trop mieulx que poisson à la ligne, Ne que rat au lardon hapé ; D'un trait d'ueil fat prins et frapé, Par celle qui pas ne forligne.
Le vigneron, etc.
Quant il fut, etc.
A peine lui fut eschappé.
Le povre compaignon qui pignc,
Très mal pigne des dents d'un pigne,
272 POrfSIIS OB CHARLES d'ORLÉAFIS.
Ainsi surprins etagrapé.
Le vigneron, etc.
ROMDEL.
Quant je fus prins ou pavillon De ma Dame très gente et belle, Je me brulay à la chandelle, Ainsi que fait le papillon.
Je rougiz comme vermeillon, Aussi flambant qu'une estincelle.
Quand je fus, etc.
De ma Dame, etc.
Si j'eusse esté esmerillon.
Ou que j'eusse eu aussi bonne elle, Je me feusse gardé de celle Qui me bailla deTaguillon.
Quantjefus, etc.
