DE GOULU

GOVLV mourant par faute de manger, Maistre Clément luy dit, prenant sa main: Le mal empire, et grand est le danger, Si pain n'auez. Las! ie n'ay point de pain, Respond Goulu. Vous mourrez donc de faim, Car Hypocras, Prince de nos Escoles, En ses records tient cela pour certain. Lors en pleurant Goulu dit ces paroles:

le vois bien que ne puis guérir, Dont il me fasche durement ; Physiciens me font mourir Par breuuage et par lauement.

Lasfi'en ay pris si largement Que i'en ay gasté mes affaires.

Adieu vous dy, maistre Clément ; Bran de vous et de vos dysteres.

Mon Testament escrire me conuient, Ains que descendre au manoir Proserpine. le vais au lieu d'où nully ne reuient, Car mort me mord, et famine me mine.

Mon maigre corps ie laisse à la vermine, Elle en poura ieusner les Vendredis; Pour mon esprit, qu'il aille à la cuisine, Car c'estoit là qu'estoit son Paradis.

le donne au Gueu qui court au Cours Dans vn petit panier clisse Mon Bidet, qui fait mille tours, Et pour Paris est bien dressé.

Il va sans bride et deschaussé; Vieille natte est sa nourriture.

Vn Kequiescat in pace Luy seroit fort bonne auanture.

Hé! le pauuret, quand midy s'approchoit, Qu'il a souffert de coups sans se fascher! Car le chetif souuentefois clochoit, Et pour moy seul s'efîorçoit de marcher. Plus ne voudra se laisser affourcher Ce Bucephal dont le fus l'Alexandre.

S'il ne le veut, qu'on le face escorcher, Et puis sa peau dessus ma tombe estendre.

Le drap qui la nuit me couuroit, Quand mon Cheual se reposoit, Où souuent mon Valet ouuroit, Qui maintes pièces y cousoit, Autresfois neuf tant me plaisoit, Et tout vieux m'est si nécessaire, Que j'ordonne, s'il y duisoit, Qu'on m'en face vn drap mortuaire.

le donne et lègue à Clopin, mon Valet, Quoy qu'il ne m'ait de tout point decroté, Mon vieux mouchoir et mon large collet; Chemise non, ce n'est ma volonté^

Or, si Clopin dit que c'est chicheté, le luy respons que bien fort il s'abuse, Qu'onques au dos chemise n'ay porté.

A vostre auis n'est-ce pas bonne excuse?

Item, il aura mon Chapeau, Qui nuit ni jour ne m'a quitté Depuis qu'estois sous le drapeau D'Ignace et sa Société.

Ce Chapeau peut estre porté, Pourueu que de son bord l'on coupe, Si sudum, car l'humidité Le rend yvre comme vne soupe.

Mais s'il vouloir en faire vn Parasol, Point ne faudroit de son grand bord roigner Il le vendroit du moins cinq fois vn sol, Pourveu qu'il sceust surfaire ou barguigner. Sur mon Colet, moult propre à se peigner, Colet cachant le dos et la fourcelle.

Le bon Clopin peut encore gaigner En le vendant pour peignoir à dentelle.

Au plus pauure des Escoliers, Afin qu'il se puisse chausser, Je laisse mes deux vieux Souliers; Aussi bien m'alloient-ils laisser.

Ils sont, par trop rapetasser, Comme Argo la vieille Nacelle, Qu'on fit tant de fois rapiécer Qu'on ne sceut plus si c'estoit elle.

Ma Sotane est pour Maistre Aliboron, Car la sotane à sot Asne appartient.

Tant eut de coups d'épingle et d'esperon, Que ie ne say comme elle se soustient. Fil noir et blanc les morceaux en retient, Et entretient, en amitié parfaite, Car cet habit plus de pièces contient Qu'vn Capucin n'en coût à sa jaquette.

Pour lanotus mon vieil amy Sera mon gentil Braquemart, Puis encor Theca calami, Qu'indoctes nomment Cakmart.

Dedans n'a plumes ne plumart, Mais brochette et fine laidoire.

Le cornet en est plein de lard, C'est vne joyeuse Escritoire.

Maistre Martin aura mon grand Manteau, Que Mante à eau j'etymologisois.

C'est bien raison qu'il ait part au gasteau , Car dessus tous grandement le prisois.

le donne encor mon Coutelet Pergois A Dame Alix, Reine des Mamelûes, En la payant de ce que ie luy dois Pour deux litrons de châtaignes boulûes.

Pour mes Escrits in vtroque, Vn quidan les a blasonnez, Et par glose s'en est moqué ; Mais, pour luy faire vn pied de nez, Aux halles ie les ay donnez, Où ma Prose, qu'il a bernée, Et mes Vers seront couronnez D'espinards verds toute l'année.

STANCES yS

Bien aimeroient Poursuiuans d'Apollon, Qu'à chacun d'eux ie disse en mourant : Tien. Hélas! ils m'ont ioùé comme vn balon.

Ils m'ont banny de chez les gens de bien ; Ils m'ont traité comme on fait vn vieux Chien; Ils m'ont chassé par tout des bonnes tables. Pour m'en venger, ie ne leur donne rien, Mais ie les donne à tous les mille Diables.