A LA MESME
LE teint vermeil qu'a l'Aurore au matin, Prés vostre teint semble mourant et pasle; D'Aurore auez le nom et le destin, Et d'vn vieillard la couche maritale :
Or pour vous rendre à cette Aurore égale, Si luy vouliez ressembler de tout point, Il vous faudroit receuoir vn Cephale; Mais le mal est que vous n'en voulez point.
CHANSON
TYRCis, la pluspart des Amans Sont des Allemans , De tant pleurer, Plaindre, souspirer Et se désespérer.
Ce n'est pas là pour brusler de leurs fiâmes Le cœur des Dames; Car les Amours, Qui sont Enfans, veulent rire tousiours.
Il faut, pour estre vray Galant, Estre complaisant,
De belle humeur, Quelquesfois railleur.
Et quelque peu rimeur.
Les doux propos et les chansons gentilles
Gagnent les Filles;
Et les Amours, Qui sont EnfanSj veulent chanter tousiours.
Il faut s'entendre à s'abiller, Tousiours babiller, Dancer, baller, Donner lodelet , Et faire le Poulet.
Bisques, dindons, pois et fèves nouvelles Charment les belles, Et les Amours, Qui sont Enfans, veulent manger tousiours.
ii3
A Madame
DE LONGVEVILLE
OBiET en tous lieux adoré, Et la Reine et son Fils ont dit et déclaré Que vous estiez vne Rebelle.
Venus et Cupidon en ont bien dit autant. Auec Anne et Louis vuidez vostre querelle; Mais au moins contentez Venus et son Enfant.
CHANSON
CHARME secret des maux les plus puissans, Aimable solitude, Console vn peu la douleur que ie sens. Zéphyrs, Ruisseaux, volez plus lentement. Coulez plus doucement ; Et ne pouuant finir ma triste inquiétude,
Taschez au moins d'adoucir mon tourment.
Doux Rossignols, diuins Roys des Forests Qui chantez sans estude,
Meslez vos voix à mes foibles regrets ;
Zéphyrs, Ruisseaux, volez plus lentement, Coulez plus doucement, Et ne pouuant finir ma triste inquiétude,
Taschez au moins d'adoucir mon tourment.
CHANSON
NOMMER vn ange Vostie Phylis, C'est chose estrange, le vous le dis.
Reseruez vos louanges Pour d'autres appas, le me connois en Anges :
Phylis ne l'est pas.
Pour bonne mine Je le voy bien.
Mais pour diuine Il n'en est rien.
Reseruez vos louanges Pour vne autre fois,
le me connois en Anges :
l'en ay serui trois.
CHANSON
PHYLis quelle apparence?
M'ayant promis de m'aymer constamment, En vn moment Vostre cœur se desdit comme vn Normand. Pourtant ne pensez pas
Que mon trespas Suiue vostre inconstance; Car franchement Si ie n'ay que ce mal ie viuray longuement.
On me uerra sans peine Rire aux Galans qui vous viendront trouuer, Et captiuer
D'vn œil coquet tout le quartier d'Hyuer. Ainsi ne pensez pas
Que mon trespas Suiue vostre inconstance; Car entre nous Aymer si constamment est le mestier des Foux.
Iiq
CHANSON
PHYLis, VOUS n'estes pas trop sage, Pour marque de ma passion, De demander mon cœur pour gage, O la mauuaise caution !
Il me semble que ie me raille, Quand ie parle d'estre constant :
Mon amour est vn feu de paille Qui luit et meurt en vn instant.
On m'enchaisne sans résistance.
Mais ie romps mes fers aisément , Et je trouue que la constance Est vne vertu de Romant.
A Madame
DE LONGVEVILLE
Aviovrd'hvy le Parlement Vous absout d'estre rebelle.
Receuez le compliment Que ie vous en fais, la Belle.
Vous n'estes plus criminelle, Si ce n'est de leze Amours :
Mais, ma foy, vous estes telle Que vous le serez tous] ours.
EPIGRAMME
IE veux au pied du Parnasse, Contre tout Poète errant , Soustenir en combatant Qu'Amynte a meilleure grâce Ni que le Rossignol quand il plaint sa disgrâce ,
Ni que les Muses en chantant, Ni que les fîeres Sœurs de l'Empire flottant; Que de toutes les voix sa voix est la plus digne De faire de nos cœurs mille amoureux larcins. Et qu'enfin pour l'entendre on quitteroit vn Cygne Abandonné des Médecins.
AVTRE
QVAND j'entendis parler de vos diuins appas, II me prit de vous voir vne si forte enuie, Que, bien qu'on m'aduertist que j'allois au trespas, le n'ay jamais esté si viste de ma vie. Enfin ie vins, ie vis; mais ie ne vainquis pas : Vos yeux le sauent bien, Syluie.
AVTRE
Vovs faites bien de ne pas escouter Tous ces Muguets qui vous veulent attiaire, Et s'ils venoient encor vous en conter, Sauez-vous bien comme il vous fauciroit faire? le leur dirois, faisant de la colère : « N'espérez point d'estre aimez à la fin ; Retirez-vous, vous ne me sauriez plaire, l'aimerois mieux cent fois vn Sarasin. »
EPIGRAMME
VN jour vn Curé querelloit Vn homme proche de sa femme, Et, s'emportant fort, l'appelloit Traistre, larron, coquin, infâme.
A tout cela la bonne Dame Escoutoit et ne disoit mot.
Mais venant à l'appeller sot, Tout soudain dans l'excès du zèle D'vne sainte deuotion :
u Ah! Messieurs, ce meschant, dit-elle, Révèle ma Confession. »
EPIGRAMME
A vne personne qui luy demandoit vn présent.
IE vous donne auec grand plaisir De trois presens vn à choisir.
La Belle, c'est à vous de prendre Celuy des trois qui plus vous duit ; Les voicy sans vous faire attendre : Bon iour, bon soir, et bonne nuit.
