LA PRINCESSE DE CONDÉ

LA DOVAIRIERE

VERS IRREGVLIERS

PovR vn moment quittez le sérieux, Pour vn moment jettez vn peu les yeux, Ces beaux Soleils aux Mortels adorables,

Sur ces Vers que l'on vous escrit, Et qu'on prétend que vostre Altesse voie Seulement comme vn jeu d'esprit, Si pourtant, loin de vous, l'esprit peut estre en joye.

A Coulommiers, où les ombrages noirs Des plaisans promenoirs

l32 POÉSIES DIVERSES

Sont tousiours raffraischis par l'aisle de Zephyre,

On songe à vous incessamment, Et, soit que le Soleil ou naisse ou se retire^

Chacun en ce lieu vous désire.

Aussi vostre absence, à vray dire,

Trouble tout le contentement De l'incomparable Anne et de l'illustre Armand.

Dans tous leurs entretiens vostre Altesse a sa place. Ils louent tour à tour vostre air et vostre grâce. Ils discourent souvent de la noble fierté

De ce front plein de majesté,

Et de cet excès de beauté Si fatale autresfois aux plus puissans Monarques,

Et mesme de vostre bonté

Dont ils ont d'assez bonnes marques.

Le chapitre de vostre esprit Espuise toutes leurs louanges.

Sur ce chapitre chacun dit Que vous estes esgale aux Anges.

L'on admire sa netteté, Sa force, sa viuacité, Et certaine naïueté

POÉSIES DIVERSES l33

Qui le rend touslours agréable, Et qui semble facile et n'est point imitable.

Selon leur juste sentiment, Vos mœurs, qui nous seruent d'exemple,

Meriteroient vn Temple; Et l'on peut dire hautement Que, comme vostre race en vertus ancienne Vit appeller ses Barons autrefois Premiers Chrestiens de l'Empire François, Vous en estes encor la première Clirestienne, Et que vous méritez mieux que ces grands Héros Le titre d'ApIanos.

Ainsi parmi ces Bois, que les plus longs hyuers Ont laissez tousiours verts; Ainsi prés du Morin, dont l'onde Murmurante et vagabonde Semble aucque regret abandonner ces lieux

Dignes d'estre habitez des Dieux, Ainsi dans ce Palais de structure superbe.

On s'escrie auéque Malherbe Qu'il est vray que ces lieux ont d'aimables apas. Mais que l'on n'y void rien, ne vous y voyant pas.

l34 POÉSIES DIVERSES

le sens que vostie modestie S'allarme en vous oyant louer.

Cependant il faut auouër Que ie n'ay raconté que la moindre partie

De ce qu'on dit icy de vos vertus, Qui tiennent sous vos pieds les vices abatus.

Et puis est-ce à des Impromptus A parler d'vn sujet digne qu'Apollon mesme,

S'il le vouloit traitter, Montast sur le Parnasse afin d'y méditer Auec vn soin extrême.

Changeons donc vn peu de discours, Et pour vous diuertir égayons nostre Veine. Icy nous voyons tous les jours Vn éternel concours De la Noblesse prochaine De la Montagne et de la Plaine, En gregue d'escarlate et Juppé de velours.

Vous verrez bien que ces atours Ne sont pas de Noblesse à complet équipage, Qui double le Laquais^ qui donne jusqu'au Page, Et qui meine carosse au Cours.

POÉSIES DIVERSES l35

le parle de la Campagnarde, A Gentil-homme fier, à Dame guoguenarde, Qui, comme Cheualiers errans, Sur vn cheual courans, La Belle en croupe et le Galant en selle. Chantent quelque Chanson qui fut jadis nouuelle.

Ces Nobles, espronnant pour estre des premiers A se monstrer à Coulommiers, Y débitent sans fin les nopces, les querelles, Des Braues et des Belles, Et finissent leurs entretiens Par des procès, des cheuaux et des chiens, Dont on se passeroit bien, Et surquoy fort souuent on ne leur respond rien.

Icy tous les Baillifs, Procureurs et Preuosts, Suiuis de leurs petits Supposts, Chargez de pains et de bouteilles,

Quelques-vns s'escoutant,

Les autres tremblotant,

Les autres barbotant, Font des harangues nompareilles,

Toutes hors de propos :

l36 POÉSIES DIVERSES

Si bien qu'il vaudroit mieux escouter des corneilles Que ces persécuteurs d'oreilles, Qui sont, sans en excepter vn,

Les plus grands ennemis du pauure sens commun.

Madame, si vous en doutez, Escoutez Vn échantillon de leur stile.

Ils ont prononcé hautement Que vostre Fils et vostre Fille Estoient plus triomphans Dans Coulommiers, la noble Ville, Que pendant la Guerre ciuile Monsieur d'Elbeuf et ses Enfans.

Sont ce pas de plaisantes gens, Et la comparaison est-elle pas gentille?

Quand ces gens se sont retirez.

Car sur la fin du jour le voisin se retire, On va chercher le frais de l'ombre et du Zephyre

Dans les lieux les plus égarez.

L'on gouste le repos des routes reculées, L'on roule au petit pas sous de sombres allées.

L'on s'enfonce au plus creux des bois.

L'on resue sur les bords de l'onde, L'on y lit des Romans, l'on exerce sa voix;

La liberté bannit toutes les loix, Et le caprice seul y reigle tout le monde.

Si le jour fait place à la nuit, On voit danser sous les fueillées,

A la simple clarté de la Lune qui luit, Mille Nymphes des-habillées.

Qu'au trauers des buissons le Faune amoureux suit.

Et lors que l'Aurore esueillée Ramenant le jour et le bruit, De perles d'Orient a la Terre esmaillée,

L'on y voit sur les costaux Bondir de toutes parts les innocens troupeaux, Suiuant les petites Bergères, Qui chantent en mille façons, Pendant que les Bergers, sautant sur les fougères, D'vne fluste rustique imitent leurs chansons.

Parleray-je point des Napées, Qui sans cesse sont occupées A parer les Amours de guirlandes de fleurs?

l38 POÉSIES DIVERSES

Ni des Nayades vagabondes Qui, fuyant le Soleil et ses fieres ardeurs,

Se baignent sous les ondes,

A l'ombre des roseaux Et des saules espais qui couronnent les eaux.

Ainsi, Madame, ni Paris, Ni Cloris, Quoy que Paris et Cloris soient aimables, Ne nous retireroient jamais De ces lieux agréables.

Dont vostre absence a piâ troubler la paix.

Mais le désir de vous reuoir Fait que pour ces beaux lieux nous auons moins d'estime.

Que ce désir a de pouuoir!

Qu'il est grand! qu'il est légitime!

Qu'il promet de plaisirs, et qu'il en fait gouster! Aussi; sans vous flater,

On peut bien dire à vostre Altesse Que rien auec raison ne sçauroit contester

Contre ce désir qui vous presse, Puis qu'en vous reuoyant on void en vn Tableau Tout ce que l'Vniuers a de bon et de beau.

LE MOVTON FABVLEVX

POVR MONSIEVR MOVTON

Excellent ioïieur de Luth

CE Mouton fut au troupeau d'Admetus, Lors que Phœbus menoit sa bergerie; Ainsi point n'est ni Mutus, ni Brutus, Ainçois il parle et entend raillerie, Et sur le Luth c'est bien la diablerie; Il fait beaux chants tellement raisonner Que le Galand de la femme d'Vrie Ne sceut iamais si doucement sonner.

Tout animal se monstre adorateur De ce Mouton si remply de mérite ; Le Loup luy dit qu'il est son seruiteur,

Et près de luy fait de la chatemite ; Mesme ie croj qu'il a l'ame contrite D'auoir esté aux Moutons si meschant, Et qu'il fait vœu de deuenir Hermile, Et puis aller les autres Loups preschant.

Le Perroquet de l'oùir estonné , Pour le loiier luy demande en cadence : Petit Mouton, auez-vous desieuné?

Ouy, oiiy ; et quoy? du ros du Koy de France. Richart, Margot et Martin vont en danse, Qui sont le Geay, la Pie et l'Etourneau; Ils sont muets, et c'est, comme ie pense, Qu'ils n'ont apris qu'à dire Maquereau.

Mais cet oiseau qui fait bruire en nos iours Cid et Romains, la diuine Corneille, Et le gentil Faucon qui par Amours De temps en temps sa douce voix réueille, Ont attrapé le Mouton par l'oreille, Et luy mettant bouquet de Romarin, L'ont couronné pour auoir fait merueille De bien chanter en langage Purin.

ESTRENES

IE sçay fort bien que ie doy vous escrire, Mais en vn mot ie ne sçay que vous dire, Ce qui me met l'esprit en grand destresse ; Car vous narrer de Priam et de Grèce, C'est vn vieil conte , et à dormir debout, Que bien sçauez de l'vn à l'autre bout; Vous faire aussi ceux de ma mère l'Oye , C'est pis encor que l'affaire de Troye. Or attendant qu'aye esprit et loisir.

De vous trouuer contes faits à plaisir. Dont vous puissiez tenir vostre Brelan , Prenez en gré le Bon iour et bon An , Que ie vous donne en l'An six cens quarante, Mis auec trois, afin que ie ne mente;

Et pleust à Dieu voir chacun contenté

De ces deux mots si remplis de bonté ;

Mais par malheur Estrenes sont venues

Mettre la main sur mes pièces cornues,

Et les Valets de Monsieur tel et tel

Ont pris sur moy comme on prend sur l'Autel;

Tambour François et tambour des Cantons

M'ont estourdy long-temps pour deux testons;

De Violons aussi petite bande

M'a chèrement vendu sa Sarabande,

Et mesmement, dessus mon Escalier,

S'est mis au guet vn petit Escolier,

Tenant en main Epigramme Latin

Où me traittoit en Prince Palatin ,

Et me faisoit d'vn Isle Gouuerneur.

le luy ay dit qu'il me fait trop d'honneur,

Mais mon argent bien mieux l'a contenté.

Ce m'est à voir, que ma ciuilité

Mon pauure argent que loin de moy s'enuole,

Et dont iamais ie n'entendray parole.

Dames d'honneur, quoy que ma main lassée

Auec chagrin la somme ayt desboursée,

Il faut pourtant mettre trauail et peine,

A vous donner à toutes vostre Estrene;

Mais que ce soit sans bourse délier, Car c'est dequoy ie vous veux supplier, le donne donc pour aller tout de rang A nostre Aurore vn beau petit Geay blanc.

le donne encor gentille Gabatine Pour réjouir la Marquise en Gesine.

La Mareschale ira se régaler Aux deux Chasteaux que ie luy donne en l'air; Ton-ton prendra de vent trois ou quatre aulnes, **** chiens verds à pâtes iaunes, Et Socratine vn couple de Cassades, Et pour chacune encor quatre gambades, Qui seruiront de frisque petite Oye, A ce présent fait en belle monnoye ; Mais poisant moins que nobles et ducats, Et dont vos cœurs toutesfois feront cas. Or puisqu'auez eu de moy vos Estrenes, C'est bien raison que me donniez les miennes; Les attendant ie finis ce discours; Que si quelqu'vn trouue mes Vers trop courts, le luy diray la sentence jolie Qu'il n'est iamais de trop courte folie. A tant, adieu Belles iusqu'au reuoir; Que pleust à Dieu que ce fust dés ce soir.

LE MELANCOLIQVE

BELLE Phjlis, belle Calisle, L'on m'a dit que ie suis fort triste Depuis vostre fascheux départ, El cela de fort bonne part :

C'est ce qui m'oblige à le croire; Car si les Autheurs de l'Histoire Estoient autres que gens de bien, Par ma foy ie n'en croyrois rien.

D'abord ie ne faisois que rire, Quand quelqu'vn venoit me le dire; Mais tant de gens m'en ont iuré Q^e ie le tiens tout asseuré.

Voyez quelle métamorphose,

Moy qui tousiours, sur toute chose, Honorois Momus et Cornus, le suis taciturne et camus.

Moy qui fuyois mélancolie Comme vn sage fait la folie, Comme les Hiboux font le iour, Et comme vous faites l'amour, l'ay le chagrin d'vn vieil Hermitc, Et le noble Amadis me quitte Son nom par l'Vniuers fameux, Non de Beau, mais de Tcncbreux.

Philis, me voila donc du nombre Des gens que l'humeur froide et sombre Fait prendre pour des Loups-garoux, Et le tout pour l'amour de vous.

Ma gentille Tourelerette, N'acheuez-pas la Chansonnette Qui dit: autant en fcrcz-vou, Ma gentille tourclourou. le prie au Ciel qu'il vous enuoye D'esbatements vne mont-joye.

Mais pour vous faire conceuoir Combien ie suis lugubre et noir, l'ay fait ces iours passez la liste

De ce que Paris a de triste,

Et i'ay pris cette liberté

D'en extraire à vostre beauté

Vne petite Kirielle,

Afin que sur vn tel modelle ,

Vous voyez que loin de vous deux

le suis le Roy des songe creux.

Premièrement icy, tout proche, I'ay trouué deux fondeurs de Cloche, Que le métal auoit trahis, Pasles, esperdus, esbahis.

Immobiles comme vne Roche, Et pénaux en fondeur de Cloche ; Mais auprès de moy tous les deux Sembloient gens plaisàns et joyeux :

Encor toutesfois qu'à vray dire Ils n'eussent pas le mot pour rire.

I'ay veu des Diables en procès, Ayant des leurs mauuais succès.

I'ay veu des Coquettes mondaines Malades des fièvres quartaines.

I'ay veu des Amants délaissez, De ces gens-là l'on void assez; Car pour des Dames abusées

Par Birenes et par Thesées,

le ferois bien de grands sermens

Qu'on n'en void que dans les Romans.

J'ay veu la hideuse peinture Du Preux à la triste fgurc, Du bon Cheualier Dom Quichot, Qui fist des Armes son Cachot.

O le Fantosme espouuentable, le croy qu'il feroit peur au Diable ; L'ayant veu seulement moulé, l'en ay le sang encor gelé.

l'ay veu des Messieurs sans ceruelle, Que le Peuple esprits forts appelle.

Gens presque aussi tristes que fous, l'ay veu mesme des loups-garous, Et de ces affreuses chimères Que les Nourrices et les Mères Appellent des Moines-Bourrus (Dont toutesfois on ne void plus), Et ne sçaurois bonnement dire S'ils font pleurer ou s'ils font rire.

Souffrez qu'auec ces visions Et ces tristes illusions, Quelques maigres bouffons i'assemble ;

Car on ne void rien, ce me semble, A prendre les choses au fons.

Plus tristes que maigres bouffons.

Pour la fin, dans vne escurie, Où m'a conduit ma resuerie, l'ay veu deux vieux bonnets de nuit Sans leur coëffe et cela s'ensuit; Car quand les bonnets en ont vne, Ils sont mieux auec la fortune.

Qui les a de coëffe estoffez , Que les gens qui naissent coëffez.

Or l'vn de ces deux, tout Superbe De faire mentir le Prouerbe, Molement couché sur les draps, Se portant fort bien, rouge et gras, En riant a semblé me dire, « Vous estes bien triste, beau Sire.

Voila doncques ce que i'aj veu Qui vaille que vous l'ayez leu :

Belle Philis, Belle Caliste, Encor que tout cela soit triste, Rien de cela n'est, par ma foy, Si triste et si dolent que moy.

Aussi par tout la voix publique

M'appelle le Mélancolique.

l'ay l'esprit et les sens perclus; Pour moy le Soleil ne sort plus Tous les iours du milieu de l'onde ; En vn mot ie suis mort au monde.

Aymable Philis, c'est assez; Priez Dieu pour les tiespassez.