A J. CUJAS, J. C

DESSOUS ce grand Cujas duquel toute la France, Ainçois toute l'Europe, admire les escrits, Et dessoubz toy, Roalde, auxquels est deu le pris De traiter comme il fault nostre jurisprudence,

J'ay beu le premier laict d'une telle science. Et, si peu que j'en sçay, je l'ay de vous appris, Pères industrieux de tant de bons esprits Qui vous doivent l'honneur de leur docte naissance :

Entre lesquels encor que le mien inconnu N'ait jusques à présent aucun nom retenu, Comme un fruict avorté qui force la lumière,

Si est-ce {si le Ciel ne trompe mon espoir ) Qu'un jour je pense faire à tout le monde voir Qu'un vrayfils tient tous jours quelque chose du père.