BALLADES, CIX, 17 — CX

Par an, avec les arrerages, LS En la forest de longue Actente.

Ceulx qui Amours servent ainsy, En lui faisant foys et homages, Il les fait aprés eureux sy | Qu'ilz s’eschappent des brigandages 20 De Dangiers par petiz boucages, Puis les duit en la droicte sente :

Mais premier paient leurs truages En la forest de longue Actente.

Prince, pour duire cuers volages, 25 Affin que nul ne s’en exempte, Mectez les tous en hermitages En la forest de longue Actente!

A ! Dieu d’Amours, ou m'avez vous logié! [p. 137]

Tout droit ou trait de Desir et Plaisance, Ou, de legier, je puis estre blecié Par Doulz Regart et Plaisant Atraiance, Jusqu’a la mort, dont trop suis en doubtance ; $ Pour moy couvrir prestez moy ung pavaiz :

Desarmé suis, car pieça mon harnaiz Je le vendy, par le conseil d’Oiseuse, Comme lassé de la guerre amoureuse.

Vous savez bien que me suis esloingné, 10 Des long temps a, d’amoureuse vaillance, Ou j’estoye moult fort embesoingné Quant m’aviez en vostre gouvernance.

DL

CHARLES D'ORLÉANS

Or en suis hors : Dieu me doint la puissance

De me garder que n’y rentre jamais ! EE Car, quant congneu j’ay les amoureux faiz,

Retrait me suis de vie si peneuse,

Comme lassé de la guerre amoureuse.

Et non pourtant, j'ay esté advisé Que Bel Acueil a fait grant aliance 20 Encontre moy, et qu’il est embuschié Pour me prendre, s’il peut, par decevance.

Ung de ses gens, appelé Acointance, M'assault tousjours ; mais souvent je me taiz, Monstrant semblant que je ne quier que paiz, 25 Sans me bouter en paine dangereuse, Comme lassé de la guerre amoureuse.

Voisent faire jeunes gens leurs essaiz,

Car reposer je me vueil desormaiz ; Plus cure n’ay de pensee soingneuse, ” 30 Comme lassé de la guerre amoureuse.

JEULX rougis, plains de piteux pleurs, [p.138] Fourcelle d'espoir reffroidie, Teste enrumée de douleurs Et troublee de frenesie, Corps perclus sans plaisance lie, S Cueur du tout pausmé en rigueurs, Voy souvent avoir a plusieurs Par le vent de Merencolie.

BALLADES, CX, 14 — CXIlI, 6 173.

Migraine de plaingnans ardeurs,

Transe de sommeil mipartie, 10 Fievres frissonnans de maleurs,

Chault ardant fort en reverie,

Soif que Confort ne rassasie,

Dueil baigné en froides sueurs,

Begayant et changeant couleurs, 1 Par le vent {de Merencolie.]

Goute tourmentant en langueurs, Colique de forcenerie, Gravelle de soings assailleurs, Rage de desirant folie, 20 Anuys enflans d’ydropisie, Maulx ethiques, aussi ailleurs, Assourdissent les escoutcurs, Par le vent [de Merencolie.]

Guerir ne se puet maladie 25 Par phisique, ne cireurgie,

Astronomians n’enchanteurs,

Des maulx que seuffrent povres cueurs

Par le vent{de Merencolie.]

E que l’ueil despend en plaisir, [p. 139] Le cuer l’achete chierement, Et, quant vient a compte tenir, Raison, president sagement, Demande pourquoy et comment 5 Est despendue la richesse

CHARLES D'ORLÉANS

Dont Amours deppart largement, Sans grant espargne de liesse.

Lors respond Amoureux Desir :

Amours me fist commandement De Joyeuse Vie servir Et obeir entierement ;

Et, s’ay failly aucunement,

On n’en doit blasmer que Jeunesse Qui m'a fait ouvrer sotement, Sans grant espargne [de liesse.]

Pas ne mouray sans repentir, Car je m'en repens grandement ; Trouvé m’y suis pis que martir,

Souffrant maint doloureux tourment ;

Desormais en gouvernement

Me metz et es mains de Vieillesse, Bien sçay qu’y vivray soubrement, Sans grant [espargne de liesse.]

Le temps passe comme le vent, Il n’est si beau jeu qui ne cesse, En tout fault avoir finement Sans grant espargne [de liesse !]

« TE, qui suis Fortune nommee, Demande la raison pourquoy On me donne la renommee

vo

BALLADES, CXII, 7 —— CXIN, 31

Qu'on ne se puet fier en moy

Et n’ay ne fermeté ne foy?

Car, quant aucuns en mes mains prens, D’en bas je les monte en haultesse

Et d’en haulten bas les descens, Monstrant que suis Dame et maistresse.

« En ce, je suis a tort blasmee, Tenant l'usage de ma loy Que de long temps m’a ordonnee Dieu, sur tous le souverain Roy, Pour donner au monde chastoy.

Et se de mes biens je despens Souventesfoiz, a grant largesse, Quant bon me semble les suspens, Monstrant que suis Dame et maistresse.

« C’est ma maniere acoustumee, Chascun le scet, comme je croy, Et n'est pas nouvelle trouvee, Mais fays ainsi comme je doy.

Me mocquant, je les monstre au doy Tous ceulx qui en sont malcontens ; En gré prengnent joye ou destresse, Qu'’ayent l’un des deux me conscens, Monstrant que suis Dame et maistresse.

« Sur ce, s’advise qui a sens, Soit en Jeunesse ou en vieillesse ; Et qui ne m'entent, je m’entens,

Monstrant que suis Dame et maistresse. »

176 CHARLES D'ORLÉANS