XX VII

ON cueur a envoyé querir [p.43] Tous ses bien vueillans et amis, Il veult son grant conseil tenir Avec eulx, pour avoir advis

CHARLES D’ORLÉANS

Comment pourra ses ennemis, Soussy, Dueil et leur aliance, Surmonter et tost deconfire, Qui desirent de le destruire En la prison de Desplaisance.

En desert ont mis son plaisir, Et joye tenue en pastis ; Mais Confort lui a, sans faillir, De nouvel loyaument promis Qu’ilz seront deffais et bannis ; De ce se fait fort Esperance, Et plus avant que n'ose dire ; C’est ce qui estaint son martire En la prison de Desplaisance.

Briefment voye le temps venir, J'en prie a Dieu de paradis, Que chascun puist vers son desir Aler sans avoir saufconduis.

Adonc Amour et ses nourris

Auront de Dangier moins doubtance.

Et lors sentiray mon cueur rire, Qui a present souvent souspire En la prison de Desplaisance.

Pour ce que veoir ne vous puis, Mon cueur se complaint jours et nuis,

Belle, nompareille de France, Et m'a chargié de vous escrire Qu'il n’a pas tout ce qu’il desire En la prison de Desplaisance.

BALLADES, XXVII, $ — XXVIIL, 28 47