RONDEAUX, XIII, $ — XVI

Secile. [p. 326]

i dolant je me treuve a part De laisser ce dont mon bien part, C’est celle en qui n’a que redire, Que ne fus onques si plain d’yre, Ou jamaix Dieu n'ait en moy part. ;

Car, quant je pense en mon depart, Et qu'aler me fault autre part, Je ne sçay plus que je dois dire, Si dolant [je me treuve a part.] 9

Fortune, qui les lolz depart, M'a baillé ce dueil pour ma part, Qu'est pis qu'on ne seroit redire ; Et si ne lui puis contredire, Dont a peu que mon cuer n'en pari,

Si dolant [je me treuve a part.] 15 Per Orliuns. [p. 327]

URANT les trieves d'Angleterre Qui ont esté faictes a Tours, Par bon conseil, avec Amours Jay prins abstinence de guerre. 4

S’autre que moy ne la desserre, Content suis que tiengne tousjours, Durant [les trieves d’Angleterre.] 7

ÏL n’est pas bon de trop enquerre Ne s’empeschier es fais des cours ; S'on m'assault, pour avoir secours, Vers Nonchaloir yray grant erre, Durant les trieves [d'Angleterre

Fredet.

usques Pasques soient passées, Donnez trieves a mes pensees, Je vous pri, tant que puis, Amours ; Car c’est bien droit qu'a ces bons jours En paix de vous soient lessees.

Assez voz gens les ont lassees Et, pour ceste foiz, courroussees ; Alez ailleurs faire voz tours, Jusques Pasques [soient passees.]

Pour plus dont n'estre d'eulx pressees, Qui tant les ont fort menussees, Faictes les crier par voz cours, Et leur deffendez bien tousjours Que par eulx ne soient cassees, Jusques Pasques [soient passees.]

Responce par Orlians.

ANT que Pasques soient passees, Sans resveillier le chat qui dort,

Fredet, je suis de votre accort Que pensees soyent cassees ;